Республика илмий-амалий масофавий онлайн конференцияси

2-rasm. Ijodiy loyiha topshiriqlarini bajarish bosqichlari
Quyida umumta’lim muassasalarining boshlang‘ich sinf o‘qituvchilarida fanni o‘qitishni takomillashtirishning nazariy asoslarini, o‘zlashtirganlarini amaliyotda tatbiq etish ko‘nikmalarini shakllantirish, kasbiy kompetentligini rivojlantirishga yo‘naltirilgan ijodiy loyiha topshiriqlarini bajarish metodikasi mazmuni keltiriladi.
Ijodiy loyiha topshirig‘i:
Blok: Mutaxassislik fanlar bloki.
Modul: Fanni o‘qitish metodikasi.
Mavzu: O`qish darslarida matn ustida ishlash orqali badiiy asarni tahlil qilish metodikasi. Matnni o`qish va uni tushunish darajasini aniqlash bo`yicha Xalqaro tadqiqot metodlari (PIRLS) (2 soat amaliy).
Maqsad: O’quvchilar lug’atini boyitish, nutqining hissiy ta’sirini kuchaytirish, badiiy vositalardan foydalanish ko’nikmasini shakllantirish. O’qish darslarida matn ustida ishlash orqali badiiy asarni tahlil qilish kompetensiyasini shakllantirish.
Beriladigan bilim va topshiriqlarni o‘quvchilar yosh xususiyati va sinflariga qarab tuzish, o`quvchilarning o`qish savodxonligini aniqlash bo`yicha PIRLS xalqaro baholash tadqiqoti talablari asosidagi topshiriqlar loyihasini ishlab chiqish.
Loyiha topshirig‘i: o`quvchilarning o`qish savodxonligini aniqlash bo`yicha PIRLS xalqaro baholash tadqiqoti talablariga muvofiq o`qish darslarida foydalanishga doir o‘quv topshiriqlarini ishlab chiqing. Tinglovchilarga mazkur topshiriqni bajarish uchun majmuaviy vazifalar ketma-ketligi taqdim etiladi.
Natijalar taqdimotini tayyorlash. Tinglovchilarga tayyorlagan topshiriqlarni ketma-ketlikka olib kelish va taqdimotga tayyorlash uchun vaqt belgilanadi.
Natijalarning kelajakdagi o‘rnini belgilash. Tinglovchilar tayyorlagan taqdimotlarining natijasidan pedagoglik faoliyatlarida qachon, qanday tartibda foydalanishlarini (fan, mavzu, darsning qaysi bosqichida) belgilab oladilar.
Taqdimot. Tinglovchilar tomonidan taqdimot o‘tkaziladi.