Режа: Узлуксиз ишни таъминлашни бошқаришда ахборот хавфсизлиги масалалари

10-маъруза. Ташкилот узлуксиз ишлашини таъминланишини бошқариш усуллари.
Режа:
1. Узлуксиз ишни таъминлашни бошқаришда ахборот хавфсизлиги масалалари
2. Ишнинг узлуксизлиги ва хавфларни аниқлаш. Бошқариш воситаси
3. Узлуксиз ишни таъминлаш бўйича режаларни тестдан ўтказиш, техник хизмат кўрастиш ва қайта кўриб чиқиш.
4. Бошқариш воситаси


Калит сўзлар: потенсиал хавф, стратегия, репетиция
1. Узлуксиз ишни таъминлашни бошқаришда ахборот хавфсизлиги масалалари
Мақсад: ишлаб чиқариш фаолиятида тўхтаб қолишига қарши хатти-ҳаракат ва сезгир бизнес-жараёнларни ахборот тизимининг аҳамиятга эга бўлган бузилишларидан ёки фавқулодда вазиятлар оқибатларидан муҳофаза қилиш, шунингдек, ишни ўз вақтида тикланишини кафолатлаш.
Узлуксиз ишни бошқариш профилактик ва тикловчи тадбирларни бирлаштириш ёрдамида фавқулодда вазиятлар ва хавфсизликнинг бузилиши натижасида юзага келган (масалан, табиий офатларнинг, бахтсиз ҳодисаларнинг, ускуналарнинг тўхтаб қолиши ва атайлаб қилинган хаттиҳаракатларнинг натижаси бўлиши мумкин бўлган), салбий оқибатларни мақбул даражагача минимумга келтириш мақсадида амалга оширилиши керак. Ташкилотнинг сезувчан жараёнларини белгилаш ва ахборот хавфсизлигини бошқариш бўйича узлуксиз ишлар талабларини операциялар, ходимлар, материаллар, транспорт ва ускуна каби масалаларга тааллуқли узлуксизликнинг бошқа талаблари билан бирлаштириш керак.
Фавқулодда вазиятлар, хавфсизликнинг бузилиши ва хизмат кўрсатишдан бош тортишлар оқибатларини таҳлил қилиш зарур. Бизнес жараёнлар бузилганда уларни талаб қилинган вақт мобайнида тиклаш мақсадида узлуксиз ишни таъминлаш режаларини ишлаб чиқиш ва жорий этиш зарур. Ахборот хавфсизлиги ташкилотдаги барча бошқариш жараёнларининг таркибий қисми бўлиб қолиши учун бундай режаларни қўллаб-қувватлаш ва амалда қўллаш керак.
Узлуксиз ишни бошқариш идентификация қилиш тадбирларини ва хавфларни камайтиришни, бузувчи инцидентлар оқибатларини чеклашни ва асосий бизнес-операцияларнинг ўз вақтида янгиланишини таъминлашни ўз ичига олиши зарур.
Узлуксиз ишни бошқариш жараёнига ахборот хавфсизлигини киритиш. Бошқариш воситаси
Узлуксиз ишни таъминлаш учун ташкилотнинг узлуксиз иши учун зарур бўлган ахборот хавфсизлиги талабларини бажаришга қаратилган бошқариладиган жараённи ишлаб чиқиш ва бутун ташкилотда сақлаб туриш керак.
Ушбу жараён узлуксиз ишни бошқаришнинг асосий элементларини бирлаштириши керак:
а) ташкилот дуч келадиган хавфларни пайдо бўлиш эҳтимоли ва оқибатлари нуқтаи назаридан тушуниш, жумладан критик бизнесжараёнларнинг устуворлигини идентификация қилиш ва белгилаш (14.1.2);
b) сезгир бизнес-жараёнларда амалда бўлган барча активларни аниқлаш (7.1.1);
с) арзимаган ёки ташкилотнинг ҳаёт фаолиятига потенциал хавф туғдирадиган катта аҳамиятга эга бўлган инцидентлар содир бўлганда бизнес-жараёнлар бузилишининг мумкин бўлган оқибатларини тушуниш, шунингдек, бизнес мақсадларига мувофиқ келадиган ахборотга ишлов бериш воситалари ва усулларини танлаш;
d) узлуксиз ишни таъминлаш жараёнининг бир қисми, шунингдек, операцион хавфларни бошқаришнинг бир қисми бўлиши керак бўлган ахборотга ишлов бериш натижаларини оптимал суғурта қилишни ташкил қилиш;
е) бошқаришнинг қўшимча огоҳлантирувчи ва юмшатувчи бошқариш воситаларининг жорий қилинишини аниқлаш ва кўриб чиқиш;
f) ахборот хавфсизлигининг белгиланган талабларини қондириш учун етарли молиявий, ташкилий, техник активларни ва атроф-муҳит активларини аниқлаш;
g) ходимларнинг хавфсизлигини, ахборотга ишлов бериш воситалари ва ташкилот мулкининг муҳофазасини таъминлаш;
h) келишилган сиёсатга мувофиқ ахборот хавфсизлигининг талабларини таъминлашга қаратилган узлуксиз ишни таъминлаш режаларини ифодалаш ва ҳужжатлаштириш (14.1.3);
i) ахборот технологияларини ривожлантириш режаларини ва мавжуд жараёнларни мунтазам тестдан ўтказиш ва янгилаш (14.1.5);
j) узлуксиз ишни бошқаришни ташкилот жараёни ва структурасига киритишни кафолатлаш; узлуксиз ишни бошқариш жараёни учун жавобгарликни ташкилот ичидаги ваколатли шахсга юклаш керак (6.1.1).