Техносферада хавфсизликни таъминлаш масалалари. Техника хавфсизлиги Режа

---

Техносферада хавфсизликни таъминлаш масалалари. Техника хавфсизлиги 
Режа: 
1.
Техносферада ҳаво муҳитининг кўрсаткичлари, уларнинг меҳнат фаолиятига таъсири, 
ишлаб чиқариш микроиқлимининг гигиеник меъёрлари, уларнинг инсон организмига 
таъсири. 
2.
Техносфера ҳавоси таркибидаги ишлаб чиқариш чанглари ва заҳарли моддаларнинг 
инсон организмига салбий таъсири, уларга қарши чора-тадбирлар. 
Техносферада ҳаво муҳитининг кўрсаткичлари, уларнинг меҳнат фаолиятига 
таъсири, ишлаб чиқариш микроиқлимининг гигиеник меъёрлари, уларнинг инсон
организмига таъсири 
 
 
Техносфера – бу ишлаб чиқариш жараёнларида инсоннинг машина ва механизмлар, 
дастгоҳлар билан ишлаш жараёнидаги муҳит билан белгилангани ҳолда бунда муҳим 
кўрсаткичлар – ҳаво муҳити, зарарли ва хавфли омиллар ишчининг ишлаш муҳитидаги 
меъёрларини белгилайди. Буларнинг асосини ишлаб чиқариш санитарияси ва меҳнат 
гигиенаси ташкил этади. 
Ҳаво муҳитининг асосий кўрсаткичлари – микроиқлим параметрлари, ҳаво 
таркибидаги зарарли омиллар орқали белгиланади. Бунда: 
-ҳароратнинг ортиб кетиши тана ҳароратининг ортишига, бу эса кўп терлашга олиб келиб, 
танадаги зарурий эритмалар миқдорининг камайишига олиб келади; 
-ҳароратнинг камайиши шамоллашга, бод касаллигига олиб келади; 
-нисбий намликнинг ортиши ўпка касаллигига олиб келади; 
-нисбий намликнинг камайиши организмдан кўп сув чиқишига олиб келади ва 
организмдаги сув миқдорининг камайишига олиб келади; 
-ҳаво ҳаракатининг камайиши терлашга олиб келади; 
-ҳаво ҳаракатининг ортиши шамоллашга олиб келади; 
-атмосфера босимининг ортиши инсон танасини сиқиб, қон томирлари ёрилишига, яъни, 
теридаги ва оғиз-бурун бўшлиқларидаги ҳамда қулоқдаги копилляр томиралар ёрилишига 
олиб келиб, қон кетиши кузатилади; 
-атмосфера босимининг камайиб кетиши инсон танасидаги қон босими капилляр 
томирларни ёриб, қон кетиши кузатилади; 
-ҳаво таркибида зарарли моддаларнинг рухсат этилган чегаравий меъёрдан ортиб кетиши 
пневмониянинг турли кўринишидаги касалликларга олиб келади. Шунинг учун ҳам 
кўрсатилган барча омилларга ишлаб чиқариш корхоналаридаги иш жойларида алоҳида 
эътибор берилади. Буларнинг барчаси билан ишлаб чиқариш санитарияси шуғулланади.