Режа: Концервациялаш тўғрисида умумий тўшунча

Музлатилган гўштни сақлаш
Гўшт музлатилгандан сўнг сақлаш камераларига ўтказилади. Бунда гўшт танаси ёки бўлаклари махсус паддонлар ёки стелажларга тахланиб қўйилади. Бунда гўшт тахламлари оралиғи масофаси девор ва полдан 30 см, совутиш батареяларидан 40 см, камера шифтидан (паталогидан) 20см, тахламлар ораси бир-биридан 15 см узоқликда бўлиши керак. Камерани ўртача ҳарорати -18⁰С, ҳаво намлиги 95% ,ҳаво айланиши тезлиги 2-4 м/с бўлиши лозим.
Музлатилган тана ва ярим таналар мол, қўйники 10-12 ой, чўчқаники эса 8 ойгача сақланади.
Сақлаш вақтида гўшт миқдорини камайиши 0,16-0,22% биринчи чоракда, кейинчалик эса 0,2-0,32% ни ташкил қилади.


Музлаткичлардаги гўштни ветеринария санитарияси
назорати ва экспертизаси
Гўшт ва гўшт махсулотлари сақланадиган музлаткичларда тўхтовсиз ветеринария-санитария назорати ўрнатилиши лозим. Музлатгичга махсулотларни яъни партияси олиб келинганда қуйидаги ҳужжатлари бўлиши керак;

1. 
   Ветеринария маълумотномаси форма - №2
   
2. 
   Лабаратория текширишлари натижалари бўйича гувохнома.
   

Агар ветаринария маълумотномаси махсулотда бўлмаса, унда алохида камерага жойлаштирилиб, тўлиқ экспертиза текширишлари ўтказилади.
Маълумотномада чўчқа гўштини трихинеллеза текшириш кўрсатилмаган бўлса, унда бу текшириш тўлиқ ўтказилади. Олиб келинган от гўшти маълумотномасида сўйишдан олдин отларда малленизация ўтказилгани тўғрисида кўрсатилмаган бўлса ва кейинчалик ҳам аниқлик киритилмаса унда махсулот утилизацияга жўнатилади.
Музлатгичга олиб келинган маҳсулотларни танланган 10% дан текшириш учун намуна олинади. Агар текшириш натижаларида стандарт талабларидан биронта ўзгариш сезилса, унда махсулотни ҳаммасидан текшириш учун намуна олиниб текширилади.
Ветеринария ходими олиб келинган тана гўштларини аввалам бор тамғаланганлигини кўради, ундан сўнг сўйиш ва қайта ишлашни сифатли ўтказилганлиги текширилади, гўштни термик ҳолати аниқланади ва органолептик кўрсаткичларига эътибор берилади. Зарур ҳолатларда намуна қайнатилади ва лабаратория текширишлари ўтказилади. Ветеринария ходими томонидан ўтказилган текширишлар тўғрисида далолатнома тузилади ва рўйхатга олиш журналига ёзилади. Сўнг олиб келинган гўшт махсулотларини сақланиш муддати белгиланади.