Режа: Кириш

Горизонтал таҳлил натижалари асосидаги хулосалар:
– тушумнинг ўсиш суръати (1,44) ни баланс активининг ўсиш суръати (1,36) га нисбатан юқори бўлиши баланс активи айланишининг тезлашишига, самарадорлигини ортишига олиб келган;
– соф фойда (3,508)нинг ялпи фойда (1,248) га нисбатан ўсиш суръатининг юқори бўлиши корхонада солиқ сиёсати рационал тарзда ташкил этилганлигини ифодалайди;
– сотишдан келган тушумнинг (1,44) ўсиш суръатининг ялпи фойда (1,248) га нисбатан юқори даражада бўлиши ишлаб чиқариш харажатларининг ортиб кетишига олиб келган;
– сотишдан келган тушумнинг давр харажатларига нисбатан юқори суръатларда ўсиши давр харажатларидан нисбий иқтисодга 55,1 млн.сўм (572,5-435,9. 1,440) олиб келган.
Вертикал таҳлил орқали фойда турлари таркибидаги структуравий ўзгаришларга баҳо берилади. Фойда солиғи тўлагунга қадар фойдага нисбатан ялпи фойда, давр харажатлари, асосий фаолиятнинг бошқа жараёнларидан кўрилган даромад, асосий фаолият фойдаси, молиявий фаолият бўйича даромад ва харажатлар, умумхўжалик фаолиятининг фойдаси, фавқулодда фойда ва зарарларнинг тутган улушлари ўтган йилдаги маълумотлар билан таққосланади ва тегишли хулоса қилинади.
“Ўзпахтасаноат” пахта тозалаш корхонаси ҳисобот даврида фойданинг барча шакллари бўйича ўтган йилга нисбатан ўсишга эришган. Маҳсулот (иш, хизмат)ларни сотишдан кўрилган ялпи фойда ўтган йилга нисбатан 417,6 млн. сўмга ортган. Ўсиш суръати 124,8 (2099.100: 1682,3) фоизни ташкил этган. Шу давр мобайнида асосий фаолиятдан кўрилган фойда миқдори 1307,7 млн. сўмни ташкил этиб, ўтган йилга нисбатан ўсиш суръати 132,0 фоизга қадар кўтарилган.
Корхонада фойдани янада ошириш имкониятлари мавжуд. Масалан, Давр харажатлари, асосий фаолиятнинг бошқа жараёнларидан кўрилган даромад (сальдоси) ўтган йилга нисбатан сезиларли даражада 100,4 млн. сўмга ёки 45,1 фоизга ортган. Молиявий фаолиятдан кўрилган зарар ўтган йили 752,0 млн. сўмни ташкил этиб, ҳисобот йилига келиб 866,7 млн. сўмга қадар кўтарилган, ўсиш суръати 151,2 фоизни ташкил этган.
Солиқ тўлагунга қадар фойда миқдори ўтган йилга нисбатан 200,9 млн. сўм 83,6 фоиз)га ўсган ҳолда, фойдадан солиқ ва ажратмалар 120,4 млн. сўм ёки 57,8 фоизни ташкил этиб, соф фойдани 80,5 млн. сўмга ортишини таъминлади.
10–жадвал.