Reja: Kirish I bob. O’quvchilarning bog’lanishli nutqini o’stirish metodikasi

Reja:
Kirish
I bob. O’quvchilarning bog’lanishli nutqini o’stirish metodikasi.
1.1.O’quvchilarning bog’lanishli nutqini o’stirish.
1.2.Og’zaki va yozma qayta hikoyalashga o’rgatish metodikasi.
II bob. 4-sinifda insho yozishga o’rgatish metodikasi.
2.1. O’quvchilarni insho yozishga o’rgatish metodikasi.
2.2. 4- sinfda yozdiriladigan insho turlari
Xulosa
Foydalanadigan adabiyotlar
Kirish
Kurs ishi mavzusining dolzarbligi: Bugungi kunning eng muhim ustuvor masalalaridan biri ta’lim sohasidagi islohotlarning olib borilishidir. Haqiqatdan ham mamlakatimizda mustaqillikning dastlabki kunlaridan boshlab Respublika hukumati ta’limga ustuvor soha sifatida qarab kelmoqda. Ta’lim tizimini tubdan isloh qilish, uni jahon andozalari darajasiga ko’tarish jamiyatni yangilash, amalga oshirilayotgan ijtimoiy-siyosiy, iqtisodiy ma’naviy o’zgarishlarning tub negizini tashkil etadi. Ta’lim sohasidagi islohotlar yosh avlodning bilimli, mustaqil va erkin fikr yuritadigan, ongli, intizomga ega bo’lgan shaxs bo’lib shakllanishini nazarda tutadi.Haqiqadan ham bugungi kunning eng dolzarb masalalaridan biri ta’lim sohasida o’tkazilgan tub islohotlardir-ki, bunday islohotlarni butun jahon tan olmoqda. Bunda bajarilishi lozim bo’lgan asosiy yo’nalishlardan biri o’quvchilarning faolligini oshirishga qaratilgan ta’lim - tarbiya ishlarini amalga oshirishdir. Barkamol shaxsning muhim sifatlari bo’lgan mustaqil va ijodiy fikrlash, mustaqil ishlay olish qobiliyatini tarbiyalash umumiy o’rta ta’lim maktabining muhim vazifalaridan hisoblanadi. Bu o’rinda boshlang’ich ta’limning o’rni beqiyos. Hozirgi vaqtda maktab o’qituvchilari oldiga juda katta vazifalar qo’yilganki, bu vazifalarni hal etishda o’qituvchidan bilim, yuksak mahorat talab qiladi. Bu vazifalar qatoriga o’quv dasturiga qat’iy rioya qilgan holda o’quvchilarga bilim berish, talimda yangi pedagogik texnalogiyalarni qo’llash o’qitishning maxsuldor metodlari, ta’lim vositalaridan unumli foydalanish, ta’limni tabaqalashtirgan holda tashkil etish va boshqalarni kiritish mumkin. Bularning barchasi o’qituvchining bosh vazifasini yechishga yordam beradi. Hozirgi kunda xalq ta’limi oldida ta’lim – tarbiya samaradorligini oshirishning turli uslublarini takomillashtirish kabi ulkan vazifalar qo’yilishi, bu vazifa bevosita boshlang’ich maktabning asosiy vazifasidir. Ta’lim samaradorligini oshirishning turli yo’llari mavjud.Masalan: ta’limning turli uslublaridan unumli foydalanish, ta’lim mazmunini qayta ko’rib chiqish, davr talabiga mos materiallarni tanlash ta’lim jarayonini tashkil etishning turli shakllaridan maqsadga muvofiq holda oqilona foydalana olish va hokazolar.