Reja: Kirish. Fanning maqsad va vazifalari

Unumdorlik axborot tizimlarini o‘z vaqtidalilik talablariga mos kelish qobiliyatini tavsiflaydi. Turli xil AT-xizmatlari uchun unumdorlik ko‘rsatkichi reaksiya (biznes-tranzaksiyalarni bajarilish) vaqti yoki tizimning o‘tkazish qobiliyati bo‘lishi mumkin. Masalan, tizim reaksiya vaqti berilganda foydalanuvchi mijozning hisob raqami bo‘yicha o‘tkazish vaqti 5 sekunddan ko‘p bo‘lmasligini talab qilishi mumkin, unumdorlik berilganda esa - mijozning hisob raqami bo‘yicha tranzaksiyalar miqdori 1 soatda 20 tadan kam bo‘lmasligi lozim, ya’ni 20 tranzaksiya/soat. AT-xizmatning unumdorligini berishda so‘nggi foydalanuvchi uchun ahamiyatli hisoblangan hujjatlarni kiritish, hisobotlarni tayyorlash va shu kabi biznes-amaliyot (biznes-funksiya) lardan foydalanish lozim.

Maxfiylik ma’lumotlarga ruxsatsiz kirish va/yoki ularni ruxsatsiz o‘zgartirish ehtimolligini belgilaydi. Mazkur ko‘rsatkichning miqdoriy o‘lchami yuritilmaydi. Buning o‘rniga AT-xizmatni ta’minlovchi AT maxfiylik darajasi bo‘yicha tasniflanadi. AT ning u yoki bu sinfga tegishliligi mustaqil sertifikat bilan tasdiqlanadi. AT-xizmatning maxfiyligi umuman olganda AT xizmatni ta’minlovchi eng kuchsiz xavfsizlik sinfi bo‘yicha belgiladi, shuningdek, so‘ngggi foydalanuvchilar uchun qo‘llanmalar sifatini va ularni o‘rgatishni hisobga olgan holda to‘g‘rilanadi.

Ko‘lam AT-xizmatni ta’minlash bo‘yicha ishlarning hajmi va murakkabligini tavsiflaydi. Ko‘lamni o‘lchashning yagona mezoni yo‘q, uning ko‘rsatkichlariga ish o‘rinlari soni, uzoqlashtirilgan saytlar miqdori, foydalanilyapgan ilovalar murakkabligi va shu kabilar kiradi.