Reja: Kirish. Fanning maqsad va vazifalari

Harajatlar - AT-xizmatni amalga oshirishga jalb qilingan barcha resurslar majmuining qiymati, shuningdek, AT-xizmatning bekor turishidan kelib chiqadigan yo‘qotishlar. Resurslarga jihozlar, DT, foydalanilgan SKS resurslari va aloqa kanallari, tashqi xizmatlar, tashkilot xodimlarining oylik maoshlari (ularga bog‘liq bo‘lgan harajatlar) va shu kabilar kiradi.

Xizmatning parametrlari faqatgina uni ta’minlaydigan AT ning xususiyatlari bilangina belgilanmaydi. AT xizmati ishining sifati, shuningdek, AT xizmati va AT-xizmatning so‘nggi foydalanuvchisi faoliyatini qat’iylik darajasi ham muhim ahamiyatga ega,. (3)

Ko‘pincha tashkilotlar ma’lum darajada AT-xizmatlarga bog‘liq bo‘lib qoladilar. Ular AT-xizmatlar tashkilotlarga nafaqat madad bo‘lishini, balki biznes maqsadlarini amalga oshishi uchun yangi imkoniyatlar berishini ham kutadilar. Bundan tashqari, vaqt o‘tgani sari buyurtmachining istaklari sezilarli ravishda o‘zgarishi mumkin.

AT-xizmat provayderlari ham faqatgina texnologik jihatlarga va o‘zlarining ichki masalalariga e’tiborlarini jamlash bilan cheklanib qolmasliklari lozim.

Hozirgi vaqtda ular taqdim etilayotgan xizmatlarning sifati va o‘zlarining buyurtmachilari bilan o‘zaro munosabatlari to‘g‘risida bosh qotirishlari kerak.

AT-xizmatlarni taqdim etish, shu jumladan xizmat ko‘rsatish va uni amalga oshirish, AT-infratuzilmasi menejmentining hamma masalalarini qamrab oladi.

Xizmatlar bevosita buyurtmachi bilan birgalikda taqdim etiladi. Xizmatning sifatini oldindan baholab bo‘lmaydi, buni faqat uni taqdim etilgandagina qilish mumkin. Sifat ma’lum darajada ta’minlovchi buyurtmachi bilan birgalikda qanday harakat qilishlariga bog‘liq bo‘ladi. Ishlab chiqarish jarayonidan farqli ravishda, xizmatni uni buyurtmachiga taqdim etish jarayonida o‘zgartirish mumkin. Buyurtmachi xizmatni qanday qabul qiladi, va ta’minlovchi yetkazib berayotgani haqida nima deb o‘ylaydi - bularning hammasi ma’lum darajada ularning shaxsiy tajribalari va istaklariga bog‘liq.