Режа: Қишлоқ хўжалик ҳайвонларини сўйиш мумкин бўлмаган холларда ва мажбурий сўйиладиган ҳайвонлар

9- Мавзу: Мажбурий сўйилган ҳайвонлар гўштини В.С.Э ва гўштни сақлашда содир бўладиган ўзгаришлар ва уни зарарсизлантириш


Режа:

1. 
   Қишлоқ хўжалик ҳайвонларини сўйиш мумкин бўлмаган холларда ва мажбурий сўйиладиган ҳайвонлар.
   
2. 
   Мажбурий сўйилган ҳайвонлар гўшти ва гўшт маҳсулотларини санитария жихатдан баҳолаш ва сотишга чиқариш.
   
3. 
   Гўштни сақлаш жараёнида содир бўладиган ўзгаришлар.
   
4. 
   Шартли яроқли гўштни зарарсизлантириш усуллари.
   

Ҳайвонларни мажбурий сўйишга рўхсат беришдан олдин ветеринария ходими, уларни касаллиги ва холатини аниқ билиши керак.

Қуйидаги ҳайвонлар сўйишга рухсат этилмайди.
1. Ҳайвонлар ўлим олди талвасаси холатида бўлганда, бу ҳолат қандай сабаблар оқибатида бўлишдан қатий назар (бунда юрак фаолияти пасаяди, рефлекс йўқолади, кўзнинг шох пардаси хиралашади)
2. Сўйиладиган ёш ҳайвонлар икки хафтага етмаган бўлса.
3.Ҳайвонлар пестицидлар билан ўткир формада захарланганда антибиотиклар билан даволанганда маълум давр ичида.
4. Куйдирга касаллигига вакцина юборилгандан кейин 14 кун ичида, ёки даволаш учун куйдирги касаллига қарши зардоб юборилганда овал (оқсил) касаллигига қарши эмланганида 21 кун давомида. Баъзи ҳайвонларда агар юқорида келтирилган эмлашлардан кейин ҳайвонларда температура кўтарилмаса ёки организм эмлашга қарши акс ҳолат кўрсатмаси.
5. Ҳайвонлар касал бўлса ёки қуйидаги касалликларга гумон қилинса:
Куйдирга, қорасон, туя ва қорамол ўлати қутириш, қоқшол, хавфли шиш, брадзот, қўйларни энтеротоксемияси, ботулизм, манқа, эпизоотик лимфонгит, паррандаларнинг ўлати, псевдочума ва бошқаларда.
Ҳайвонларни мажбурий сўйиш хамиша ветеринария ходимларини рўхсати билан амалга оширилади.
Юқорида кўрсатилаганлардан ташқари бошқа юқумли, инвазион ва юқумсиз касалликларда, захарланишда, жарохатланганда, суяклар синганида ва бошқа ҳайвонларни хаёти хавф остида бўлганда ва узоқ муддат даволаш талаб этилганда мажбурий сўйишга рўҳсат берилади.
Мажбурий сўйилгандан сўнг олинган маҳсулотларга санитария жихатидан тўғри баҳо беришда, авваломбор ўлим олди талвасасидаги ҳолатни ва оғир патологик жараённи тўғри фарқлаш ва ажрата билишлик керак.
Буларни тўғри фарқлаш учун органолептик кўрсаткичларнинг натижаси, бактериологик текширишлар ва зарур холларда биохимёвий текширишлар натижасида ҳисобга олинади.