Режа: Бухоро хонлигида шайбонийлар ҳукмронлиги тарихига оид манбалар ва адабиётлар

---

Тузувчи-муаллиф: доц. А.Т.Замонов 
 
РЕЖА: 
1. Бухоро хонлигида шайбонийлар ҳукмронлиги тарихига оид 
манбалар ва адабиётлар. 
2. ХV аср охири – ХVI аср бошида Ўрта Осиёдаги сиёсий 
жараёнлар 
3. Шайбонийхоннинг келиб чиқиши. Темурийлар ва 
Шайбонийхон. 
4. Муҳаммад Шайбонийхоннинг Мовароуннаҳр, Хоразм ва 
Хуросонни бирлаштириши. 
5. Марв жанги ва Шайбонийхоннинг ҳалок бўлиши. 
6. 
Шайбонийлар, сафавийлар ва Бобур ўртасидаги 
муносабатлар. 
 
1. Бухоро хонлигида шайбонийлар ҳукмронлиги тарихига оид 
манбалар ва адабиётлар. 
 
Дашти Қипчоқ, Мовароуннаҳр ва Хуросонда XVI асрда юз берган тарихий 
воқеалар шарҳига бағишланган манбалар анчагина. Уларнинг айримлари 
шайбонийлар даври давлатчилиги, ҳарбий-сиёсий жараёнлар ва ижтимоий-
иқтисодий ҳолатларга оид масалаларни ҳам қамраб олади. Манбаларда Бухоро 
хонлиги (шайбонийлар сулоласи даври) ижтимоий-иқтисодий сиёсатига оид 
маълумотлар оз бўлишига қарамай, улар бир-бирини тўлдиради ва бойитади. 
Мавзу юзасидан керакли ва баъзан умумий маълумотлар олиш учун бу 
манбалар алоҳида аҳамият касб этади. 
Шайбонийлар даври давлатчилиги, давлат бошқаруви ва ижтимоий-
иқтисодий жараёнларни ёритувчи маълумотлар анъанага кўра асосан моддий ва 
ёзма манбаларга бўлинади. Ўзбек ва рус тилига таржима қилинган мавзуга оид 
манбаларни қайси тилда яратилганлиги ва турига қараб уч гуруҳга бўлиб, 
таҳлил қилиш мақсадга мувофиқ деб ҳисобладик. 
1.
Форс-тожик тилида ёзилган асарлар. 
2.
Туркий (эски ўзбек) тилида ёзилган асарлар. 
3.
Сайёҳларнинг кундаликлари. 
Форс-тожик тилидаги тарихий манбалар, асарлардан олинган ҳамда мазкур 
турдаги ёзма ёдгорликлар ўзининг ёзилиш услубига кўра олдинги анъаналарни 
давом эттиради. Шайбонийлар даври тарихчилари темурийлар даври тарих мак-
табининг давомчилари бўлиб, улар воқеа ва жараёнларни тавсифлашда ўзла-