Reja-asosnoma

1.1 Dissertatsiya mavzusining asoslanishi va uning dolzarbligi

Mamlakat iqtisodiyotiga xorijiy investitsiyalarning kirib kelishi bu shu mamlakatning iqtisodiy jihatdan barqarorlashishiga sezilarli darajada ta’sir ko’rsatadi. Shuningdek har bir mamlakat o’zining oqsayotgan ma’lum bir tarmoqlarini rivojlantirish, ushbu tarmoqda sezilarli darajada samaradorlikka erishish uchun xorijiy investitsiyalardan foydalanadi. Shu o’rinda eng asosiy masalalardn biri ushbu investitsiyalar mamlakat iqtisodiyotiga jalb qilishdir.
Bunda eng avvalambor invetitsion muhitningning shakllanganligi va hech qanday to’siqlarning mavjud emasligi muhim masala hisoblanadi. Iqtisodiyotning har qaysi sohasida yoki tarmog’ida mavjud bo’lgan salbiy omil investitsiyalarni jalb qilish qobiliyatining pasayishiga olib keladi.Shu tufayli biz ushbu omillarni tarmoqlar bo’yicha ko’rib chiqib ularni tahlil qilib va yechimlarini taklif qilishimiz maqsadga muvofiqdir.

1.2 Tadqiqot maqadi va vazifalari

Mamlakat iqtisodiyotiga kirib keladigan xorijiy investitsiyalar xajmiga ta’sir ko’rsatuvchi ichki va tashqi omillar ta’sir darajasini o’rganish va tadqiqot olib borish, tadqiqot natijasida bu bo’yicha xulosa va takliflar berish tadqiqotning maqsadi hisoblani.
Tadqiqot oldiga qo’yilgan maqsadga erishish uchun quyidagi vazifalar belgilab olindi:

• 
  Iqtisodiy o’sish va unga ta’sir qiluvchi omillar, ularni o’rganish bo’yicha nazariyalar, me’yoriy huquqiy hujjatlarni o’rganib chiqish;
  
• 
  Investitsion muhitni shakllantirishda to’siq bo’lishi mumkin bo’lgan turli xil tashqi va ichki omillarni tahlili bo’yicha manbalar, ya’ni turli xil xorijiy ilmiy maqolalar, tezislar va jurnallar bilan tanishib chiqib, kerakli materiallar yig’ish;
  
• 
  Xorijiy davlatlarning investitsion muhitini o’rganib chiqish va investitsiyalarni jalb qilishda qaysi tarmoqlar yetakchi o’rinda turishini tahlil qilish;
  
• 
  Olib borilgan tahlil va tadqiqot asosida ilmiy taklif va tavsiyalar ishlab chiqish.