Reja: 2 soat Karbyuratorli dvigatel ta’minlash tizimining vazifasi, sxemasi, umumiy tuzilishi, ishlashi

12-rasm. Dvigatel valining maksimal aylanishlar chastotasini pnevmo markazdan qochma cheklagichi.

Aylanishlar chastotasi belgilangan maksimal qiymatiga erishganda, markazdan qochma kuch ta’sirida klapan (13) prujina qarshiligini yengib teshikni (14) yopadi va rotor bo‘shlig‘ini atmosferadan ajratib qo'yadi. Shunda diafragma ustki qismida (1) siyraklanish ortadi va natijada diafragma (2) yuqoriga bukilib, richaglar (3,4) orqali zaslonkaning yanada ochilishiga yo‘l qo‘ymaydi. Shunday qilib, valning maksimal aylanishlar sonini ushlab turadi.

Karbyuratorlarning tuzilishi va ishlashi. Karbyurator K-88A pastga yo‘nalgan oqimli, ikki kamerali, doimiy kesimli ikkita diffuzorli va muvozanatlashtirilgan qalqovichli kamerali. Moskva karbyurator zavodida (MKZ) V simon va bir qatorli dvigatellar uchun ishlab chiqarilgan ikki kamerali karbyuratorlar oilasining tayanch konstruksiyasi hisoblanadi. Karbyuratorning unifikatsiyalashgan (bir xil) qismlari turli modifikatsiyalarda 80-94 foizni tashkil qiladi.
Karbyurator (13-rasm) uchta asosiy bo’laklardan iborat: yuqori — havo bo‘g‘ini korpusi (3); o‘rta — qalqovichli kamera korpusi (2); pastki (quyi) — aralashtirgich kamera korpusi (15). Ularning hammasi o'zaro vintlar (11,14) bilan birlashtirilgan. Zichlash uchun ularning orasiga kartonli (12) va paronitli (13) qistirmalar o‘rnatilgan.
Karbyuratorning yuqori va o‘rta bo‘laklari sinkli qotishmadan bosim ostida qo‘yiladi, pastki qismi esa — kulrang cho‘yandan. Havo bo‘g‘zining korpusiga (12-rasm) quyidagi qismlar kiradi: havo zaslonkasi (14), avtomatik klapan bilan (15) to‘rli filtr (5), filtr qopqog‘i (6), qopqoqning paronitli qistirmasi (7), yonilg'i uzatish ignasimon klapan (8), havo bo‘g‘zi korpusi bilan birga quyilgan ikkita chiqarish teshikli (har bir havo traktiga bittadan) tezlatgich nasos forsunkasi(13).
Havo zaslonkasi o‘qiga tashqari tomondan richag (7) (13-rasm) qotirilgan. Bunga esa havo zaslonkasini boshqaruvchi tros simi vtulka (9) orqali ulanadi. Tros vtulkaga vint (8) bilan mahkamlanadi. Havo zaslonkasini ochiq holatda ushlab turish uchun o‘qqa richag (7) va kronshteyn (6) o‘rtasida, bir uchi richag bilan, ikkinchi uchi esa korpus bilan ulangan, qaytaruvchi prujina o'rnatilgan.