Referati Yozdi: Qabul qildi: Mavzu : Rekrutment texnologiyalari

Autsorsing (inglizcha autsourcing) – personal lizingi yo'nalishi bo'lib, unda rekruting agentligi personalni izlash va tanlash bo'yicha buyurtmachi kompaniyasiga xizmat ko'rsatib, uni o'z lavozim jadvaliga rasmiylashtirib, buyurtmachiga muayyan vazifa yoki funktsiyalarni bajarish uchun yuboradi.
Autsorsing turlari. Buyurtmachi kompaniya provayderga qanday faoliyat turlarini berib yuborayotganiga qarab farqlanadi:
- “minimal autsorsing” yoki uzoq muddatli kelishuv asosida ta’minotchi, yordamchi, xizmat ko'rsatish ustaxonalari va xizmatlari shug’ullanadigan faoliyat turiga oid bo’lmagan sohalar autsorsingi; Shu ma’noda, autsorsingning ushbu turi ishlarni pudrat asosida bajarishdan juda kam farq qiladi;
- "samarali autsorsing" yoki faoliyatning intellektual turi autsorsingi - yuridik, maslahat, rekruting, informatsion, marketing, buxgalteriya va hk.;
- "radikal autsorsing" yoki qobiq kompaniyasini qayta tuzilish natijasida yaratishni nazarda tutuvchi ishlab chiqarish jarayonlarining autsorsingi (ishlab chiqarishsiz kompaniya). Masalan, hozirgi vaqtda Nike o'z ishlab chiqarishiga ega emas va birinchi navbatda marketing va dizayn tashkilotidir.
Masalan, Yaponiyada autsorsing kadrlar tayyorlash (so'rovda qatnashgan firmalar umumiy sonining 20%), axborot tizimlarini boshqarish (19,7%), ishlab chiqarish jarayonlari (17,4%), buxgalteriya operatsiyalari (14%) sohasidagi biznes amaliyotining muhim qismidir. Shunday qilib, ishlab chiqarish samaradorligini oshirish va xarajatlarni kamaytirish uchun autsorsingdan foydalangan AQSh kompaniyalarining 70% dan ortig'i o'z maqsadlariga erishdilar. SSSRda raketa, aviatsiya, mudofaa sanoatidalarida, xorijiy vakolatxonalarda autsorsing texnologiyalari foydalanilgan. Bugungi kunda autsorsing binolarni saqlash, qo’riqlash va tozalashda, buxgalteriya hisobi va hisoboti yuritishda, konsaltingda, merchandayzingda, auditda, marketing tadqiqotlarida, biznesni o'qitish va xodimlarni baholashda keng qo'llaniladi.
Autsorsing qiymati ko’pgina omillarning ta'sirini hisobga olgan holda mijozning buyurtmasiga binoan individual ravishda hisoblab chiqiladi (personal lizingiga qarang).
Sankt-Peterburg bozorida qurilish ishchilari va malakasiz ishchi kuchilarining autsorsingi bajarilgan ish turiga qarab farqlanadi (2.2-jadval).