Referat nurmurodova dilovar doniyorovna bakalavriat yo’nalishi: 5111700 boshlang’ich ta’lim va sport tarbiyaviy ish

Boshlang’ich sinf o’quvchilari ongiga iqtisodiy tushunchalarni singdirishda biz ularning aniq tafakkur qilish qobiliyatining ko’proq rivojlanganligi, mantiqiy abstraktlash, aqliy muloxazalar hamda umumlashtiruvchi hulosalar chiqarish qobiliyati esa xali u darajada shakllanmaganligini inobatga olishga harakat qildik.

Shuning uchun boshlang’ich sinf o’quvchilariga iqtisodiy bilim va ko’nikmalar berishning dastlabki yilida ularni shunday iqtisodga oid tushunchalar bilan tanishtirish kerakki, o’quvchilar bu tushunchalar bilan o’z oilalari, yaqinlari, maktab jamoasi orasida duch kelgan bo’lishlari lozim. Taqdim etilayotgan iqtisodga oid bilim, tushunchalar o’quvchilarga yaqin va tanish bo’lgani uchun, ular dars davomida mavzu bo’yicha bemalol mushoxada yurita oladilar, hulosalar chiqaradilar. Sinfdan sinfga o’tib borgan sari o’quvchilar aniq dalillarni umumlashtirish, bir qancha abstrakt tushunchalarni shakllantirishni o’rganadilar, ularda izchil taxlil qilish ko’nikmalari paydo bo’ladi. SHuning uchun taqdim etilayotgan iqtisodga oid bilim, tushunchalar doirasi bosqichma-bosqich kengaytirilib, chuqurlashtirilib borilishi lozim.