Рецептура

Rp.: Infusi herbaeThermopsidis 0,5 – 200 ml
D.S. 1 ош қошиқдан кунига 3 маҳал ичилсин
2. Айиққулоқ баргидан тайёрланадиган қайнатмага рецепт ёзилсин. 1 ош қошиқдан кунига 3 маҳал ичиш учун тавсия қилинсин.
Ҳисоблаш:
1) сув 15 мл х 12 мартага=180 мл;
2) 1:10 10 мл – 1 г
180 мл – х
Rp.: Decocti folii uvae Ursi 18,0 – 180 ml
D.S. 1 ош қошиқдан кунига 3 маҳал ичилсин
Изоҳ: 1:10 нисбатда тайёрланадиган дамлама ва қайнатмаларнинг ёзилишида фақат уларнинг умумий миқдори кўрсатилиши ҳам мумкин.
Эмульсиялар – бош келишик бирлик сонда – emulsum, қаратқич келишик бирлик сонда – emulsi, қисқартирилган ҳолда – emuls. Эмульсия – сувда эримайдиган суюқликларнинг (масалан, суюқ мойларнинг) сувда майда-май- да зарралар кўринишида муаллақ ҳолатда турадиган суюқ дори шаклидир. Эмульсиялар ташқи кўриниши жиҳатидан сутни эслатади.
Эмульсиялар тайёрланишига қараб 2 га бўлинади: мағизли ва мойли эмульсиялар. Мағизли эмульсиялар – бодомдан, ошқовоқ уруғидан ва ер ён- ғоқдан тайёрланади. Мойли эмульсиялар суюқ мойлар: канакунжут мойи, бодом мойи, балиқ мойи ва бошқалардан тайёрланади. Мойли эмульсияни тайёрлаш вақтида мойни эмульсия ҳолига келтириш учун махсус эмульга- торлар (арабий елим, ўрик елими, желатоза) қўшилади, лекин уларнинг номи ва миқдори рецептда келтирилмайди. Эмульсиялар кўпинча стандарт нисбат (1:10) да тайёрланади. Эмульсиялар рецептда қисқартирилган шаклда ёзила- ди, ош қошиқларда дозаланади ва 12 кунга етадиган қилиб (180-200 мл миқ- дорида) берилади.
Мисоллар: 1. Бодом уруғидан тайёрланадиган 200 мл эмульсияга рецепт ёзиб берилсин.
Rp.: Emulsi semenis Amygdali dulcis 20,0 – 200 ml
D.S. 1 ош қошиқдан ҳар соатда ичилсин
2. Канакунжут мойи (Oleum Ricini) дан тайёрланадиган 180 мл эмуль- сияга рецепт ёзиб берилсин.
Rp.: Emulsi olei Ricini 18,0 – 180 ml
D.S. 1 ош қошиқдан ҳар соатда ичилсин