Рецептура

Rp.: Tincturae Valerianae 20 ml
D.S. 20 томчидан кунига 3 маҳал ичилсин
Тиндирмаларни ўзаро аралаштириб, 1 та рецептда ёзиб бериш ҳам мум- кин. Бунда уларнинг бир марта ичиладиган умумий томчилари миқдори қў- шилиб, сигнатурада кўрсатилади.
Мисол: td=20 томчи бўлган валериана тиндирмаси ва td=10 томчи бўлган марваридгул тиндирмасига рецепт ёзинг.
Rp.: Tincturae Valerianae 20 ml
Tincturae Convallariae 10 ml
M.D.S. 30 томчидан кунига 2 маҳал ичилсин
Экстракт – бош келишик бирлик сонда – extractum, қаратқич келишик бирлик сонда – еxtracti, қисқартирилган ҳолда – еxtr.
Экстрактларнинг 3 тури фарқланади: суюқ – fluidum, қуюқ – spissum, қуруқ – siccum.
Суюқ экстрактлар – (Extractum fluidum) ўсимлик хом-ашёсидан асосан спирт ёрдамида олинадиган концентрланган ажратмалардир. Уларнинг тай- ёрланиш технологияси ҳам тиндирмаларникига ўхшаш бўлиб, улар ҳам том- чиларда дозаланади ва рецепт ёзишда ўсимликнинг номидан кейин экстракт- нинг тури (суюқ – fluidum) албатта кўрсатилади, сўнгра эса унинг миқдори белгиланади.
Мисол. Итшумурт (Frangula) суюқ экстрактидан 30 мл ига рецепт ёзиб берилсин. 30 томчидан кунига 3 маҳал ичиш учун буюрилсин.
Rp.: Extracti Frangulae fluidi 30 ml
D.S. 30 томчидан кунига 3 маҳал ичилсин
Новогален препаратлар
Новогален препаратлар ўсимлик хом-ашёсига махсус ишлов бериш на- тижасида олинади ва ичиш учун ҳамда парентерал йўл билан юбориш учун ишлатилади. Новогален препаратларнинг ҳаммаси официнал бўлиб, ҳар би- рининг махсус номи бор. Ичиш учун ишлатиладиган новогален препаратлар флаконларда, инъекция қилиш учун мўлжалланганлари эса ампулаларда чиқарилади. Ичиш учун буюриладиган новогален препаратларга рецепт ёзишда препаратнинг номи ва миқдори кўрсатилади, концентрацияси эса кўрсатилмайди.
Мисол: 15 мл Адонизид (Adonisidum) га рецепт ёзиб берилсин. 15 том- чидан кунига 3 маҳал ичиш учун буюрилсин.