Rashidova maxbuba raximovnaning samarqand shahar maydonlarining arxitekturaviy -dizayn yechimlarini tadqiq etish

Ilmiy yangiligi. Ilmiy yangiligi shundaki, mazkur magistrlik dissertasiyasi Respublikada ilk bor ilmiy tadqiq qilinayotgan emas. Lekin ekologik barqaror shaharlarda maydonlarni rekonstruksiya qilish hamda ularga zamonaviy landshaft elementlarini qo‘llash va uni respublikada yanada takomillashtirish va rivojlantirish, ulardan samarali foydalanish shartlarini dissertasiyada ochib berishdir. Shuningdek zamonaviy va qulay maydonlarni yaratib kelajak avlod uchun xizmat qiladigan madaniy obyektga aylantirish.
Tadqiqotning asosiy masalalari va farazlari. Maydonlarni shakllantirish xususiyatlarini, tipologik asoslarini o‘rganish, landshaftini shakllantirish xususiyatlarini, ekologik muhitning zamonaviy ko‘rinishini yaratishning O‘zbekistonga xos va xorijiy davlatlar tajribalarining standartlarini tahlil qilish, O‘zbekistonda maydonlar landshaftini shakllantirishning ekologik muhitini loyihalash, loyihaning ilmiy yangiligini aniqlash va asoslab berish, landshaft yechimi asoslarini va rivojlangan yangi yo‘nalishlarini amaliyotda qo’llash bo‘yicha ilmiy-nazariy va loyihaviy takliflar ishlab chiqish.
Tadqiqot mavzusi bo’yicha adabiyotlar sharhi (tahlili). Yuqorida ta'kidlaganimizdek, mazkur masala bugungi kun ijtimoiy hayot talablari, landshaftlar arxitekturasi va ekologik muammolarning dolzarb mavzularidan biri hisoblanadi. Ushbu mavzu doirasida , xususan, maydonlar va markazlar , ularning kelib chiqish tarixi, landshaft arxitekturasi, tipologiyasi haqida qo‘llanilgan an'anaviy landshaft arxitekturasi jihatlari haqida biz ko‘pgina adabiyotlardan foydalanishimiz mumkin.
Misol sifatida: D.Isamuhammedova « Shaharsozlik asoslari » . Bu kitobda maydonlarning turlari ko’rsatib o’tilgan. Po'latov X. “Shaharsozlik tarixi” da chet eldagi maydonlar keltirilgan.
Ожегов Е.С. Ландшафтная архитектура. Иcтория стилей. Mazkur adabiyotdan foydalanishimizdan maqsad shundaki adabiyotda muallif landshaft arxitekturasining eng birinchi uslubidan boshlab zamonaviy uslublarigacha sharhlab bergan va har bir uslubda qanday arxitekturaviy elementlarning to’g’ri qo’llanilishi haqida ham aytib o’tgan.
Курбанов А. С. Ландшафтно-экологические основы формирования градостоительных структур. Adabiyot Rossiyaning qurilish institutlarida katta talab bilan o’qib o’rganib kelinmoqda. Adabiyotda eko-landshaftning shaharsozlik tamoyillariga asoslangan holatda yaratilishi, va shaharsozlikning normalaridan kelib chiqqan holda eko-landshaftlar yaratish va boshqalar haqida to’xtalib o’tilgan.
Tadqiqotda qo’llanilgan metodikaning tavsifi. Ilmiy tadqiqot tizimli tahlili, vatanimiz hamda xorijiy olimlarning ilmiy va amaliy ishlari o’zaro taqqoslash va mutaxassislik bo’yicha adabiyotlar hamda loyiha ishlarini o’rganish asosida amalga oshiriladi.
Tadqiqot natijalarining nazariy va amaliy ahamiyati. Uning nazariy ahamiyati -shundaki, mazkur dissertatsiya materiallari respublikamizda va xorijda barpo etilgan maydonlarning xususiyatlariga to‘g‘ri baho berish, innovatsion maxsus maydon hududlarining landshaft yechimini va grafik modellarini aniqlash, uning kelajakdagi taraqqiyot yo‘llarini aniqlash imkoniyatlarini beradi va ayniqsa zamonaviy maydonlarning landshaftini shakllantirishda ekologik asoslari yechimi masalasiga doir taqdimotlar tayyorlash, ilmiy asar, monografiya, o‘quv qo‘llanma va darsliklarni yozishda, hamda O‘zbekistonning zamonaviy landshaft arxitekturasi va shaharsozlik tarixini o‘rganishda muhim ahamiyat kasb etadi.
Tadqiqotning amaliy ahamiyati-respublika miqyosidagi landshaft arxitekturasining kelajakdagi maydonlarning ekologik yechimlarini yaxshilashdagi roli va o‘rnida, dissertatsiyada bayon qilingan maydonlarning rekonstruksiyasi ishlarining amaliy ahamiyatini belgilash imkoniyatlari yaratilganligini guvohi bo‘lishimiz mumkin.