Radiobiologiya

 

14-mavzu. IONLANTIRUVCHI NURLARNING BIOLOGIK TA’SIRINI 

IZOHLASHGA QARATILGAN BA’ZI BIR GIPOTEZALAR. 

Reja: 

 

     1.Birlamchi lipid radiotoksinlari va zanjirli reaksiyalar   gipotezasi. 

          2. Struktura metabolik gipoteza.  

 

Adabiyotlar: [1] 113-120 b; [2] 111-123 b. 

 

O'tgan  asr  o'rtalarida  B.N.Tarusov  rahbarligidagi  bir  guruh  tadqiqotchilar 

nurlantirilgan  hayvonlar  jigaridan  olingan  tuzli  -  suv  ekstraktining  eritrotsitlarni 

gemolizlash xossasiga ega ekanligini  qayd etdilar. Gemolitik xossaga ega bo'lgan bu 

omil dastlab "gemolitik omil" deb atalib, uning lipid tabiatli ekanligi aniqlandi, keyin 

esa,  u  lipidli  radiotoksin  (LRT)  deb  ataldi.  Ma’lum  bo'ldiki,  LRT  nurlantirishning 

dastlabki  soatlaridayoq  faqat  jigardagina  emas,  ingichka  ichakda,  urug'don,  buyrak, 

oshqozon, qon va boshqa a’zolarda ham paydo bo'ladi. U hatto o'simlik to'qimalari va 

mikroorganizmlarda ham paydo bo'ladi. 

LRT  tabiatan  to'yinmagan  yog'  kislotalarining  oksidlanishi  natijasida  hosil 

bo'ladigan  mahsulotlar  kompleksidan  iborat  bo'lib,  uning  tarkibiga  gidroperekislar, 

ipoksidlar,  aldegid  va  ketonlar  kiradi.  Tekshirishlar  natijasida  LRT  ta’siridan 

---

 

58

gemolizgina  emas,  nurdan  zararlanishga  xos  bo'lgan  boshqa  hodisalar:  hujayra 

bo'linishining  kechikishi,  qon  hosil  bo'lishi,  xromosoma  apparatining  buzilishi  va 

hokazolar  qayd  etiladi.  Shu  munosabat  bilan  LRT  "tabiiy  radiomimitiklar"  deb  ham 

ataldi. 

Tarusov  va  Emanuel  tomonidan  ilgari  surilgan,  birlamchi  radiotoksinlar 

gipotezasiga  nurdan  zararlanishning  ilk  bosqichlarida,  erkin  radikal  tipidagi  zanjirli 

oksidlanish  reaksiyalarining  substrati  -  lipidlar  hal  qiluvchi  ahamiyatga  ega,  deb 

ta’kidlovchi  konsepsiya  asos  bo'ldi.  Lipidlar  hujayra  membranasining  strukturaviy 

elementi  bo'lib, uning zararlanishi  hujayra ximizmi  boshqarilishining buzilishi orqali 

uning  halokatiga  sabab  bo'ladi.  Konsepsiyaga  binoan,  nurlanish  tufayli  sodir 

bo'ladigan  tabiiy  antioksidantlar  sistemasining  buzilishi  yoki  ingibirlanishi  

tarmoqlangan  zanjirli  reaksiyalarning  avj  olishiga  olib  keladi.  Antioksidantlar  esa 

nurlantirilmagan organizm hujayralari lipidlarini o'zligidan oksidlanishdan saqlaydi.  

Mazkur  konsepsiya  nuqtai  nazaridan,  to'qimalarda  har  doim  mavjud  bo'lgan 

to'yinmagan  yog'  kislotalarning  oksidlanish  mahsulotlari  ham  LRT  jumlasiga  kiradi. 

Nurlanish  ta’siridan  antioksidantlarning  zararlanishi  tufayli,  bunday  mahsulotlarning 

miqdori  yana  ham  oshib  ketib,  radikal  tip  o'z  -  o'zini  tezlashtiruvchi  oksidlanishli 

reaksiyalarning  avj  olishiga  sabab  bo'ladi.  Bayon  etilganlar,  aynan,  radiatsiya 

ta’sirining birlamchi mexanizmlari mazmunini tashkil etadi. 

Hozirgi  zamon  ma’lumotlarini  tahlil  qilish  asosida  shunday  xulosaga 

kelinganki,  LRT  va  zanjirli  reaksiyalar  gipotezasi  ionlantiruvchi  radiatsiyaning 

biologik  ta’sirini  izohlovchi universal nazariya bo'la olmaydi. Chunki,  LRT mutagen 

ta’sirga  ega  emas,  u  faqat  ma’lum  bir  doiradagi  hodisalar  bilan  cheklanadi,  xolos. 

Buning  ustiga,  tarmoqlangan  reaksiyalarning  organizm  sharoitida  avj  olishi  ham 

mumkin emas. Bu xil reaksiyalarning uzoq muddat davomida tirik sistemada mavjud 

bo'lib  turishi  va  ko'p  tarkibli  metabolizmni  amalga  oshirib  turishi  ehtimoldan  yiroq. 

Shu  bilan  bir  qatorda,  LRT  miqdori  bilan  ionlantiruvchi  radiatsiyani  nisbiy  biologik 

effektivligini belgilovchi ECHU kattaligi o'rtasida ham hyech qanday bog'liqlik qayd 

etilgan emas. Va nihoyat, biosistemaning zararlanish darajasi bilan radiatsiyaning turli 

dozalari  ta’sirida  LRT  to'planish  intensivligiaro  ham  miqdoriy  va  muddatiy 

aloqadorlik mavjud emas.  

So'nggi  ma’lumotlarga  ko'ra,  tabiiy  radiosensibilizatorlik  xossaga  ega  bo'lgan 

va  birlamchi nurlanishga bog'liq  oksidlanish  jayonlarida  ishtirok etuvchi  lipidlarning 

perekisli  oksidlanish  mahsulotlari  biologik  ob’yektlar  radiorezistentligining 

shakllanishiga  ta’sir  ko'rsatuvchi  muhim  endogen  omillardan  hisoblanadi.  Ayonki, 

tirik  hujayraga  ionlantiruvchi  radiatsiya  energiya  ta’siri  bilan  bir  qatorda    LRT  dan 

tashqari ko'plab boshqa birikmalar va makromolekulalar ham ta’sir etadi.