R. X. Maksudov, I. S. Hayitov

KIRISH
Muhtaram о‘quvchi!
Siz bugun о‘zingiz tanlagan kasb-mutaxassisligingiz bо‘yicha
kо‘nikma va malaka bilimlarini egallash uchun kasb-hunar kollejiga
о‘qishga kirdingiz. Kollej о‘quvchisi degan sharafli nomga sazovor
bо‘ldingiz. Unutmang, bunday yuksak nomga barcha tengdoshlaringiz
ham musharraf bо‘lavermaydi. Zero, kо‘pincha о‘quvchi yillarini
qadrlab oltinga tenglashtirishadi. Ha bu bejizga emas.
Siz, avvalo о‘z hayot yо‘lingizni yaxshi mutaxassislikni tanlashdan
boshlaganingizdan mamnun bо‘ling! Chunki, tо‘qimachilik va yengil
sanoat sohasida malakali mutaxassis bо‘lish, kelgusida shu kasb
bо‘yicha samarali mehnat qilib xalqimizni chiroyli, bejirim va nafis
kiyim-kechaklar, puxta va pishiq poyabzallar, shuningdek, turli
ranglarda jilovlanib, kо‘zni qamashtiruvchi gazlamalar, xususan paxta,
ipak va jun matolar, gilamlar vahokazalar bilan ta’minlash har qanday
kishiga ham xush kayfiyat baxsh etadigan, farovonlik keltiradigan
baxtdir, sharafdir.
Aziz о‘quvchi! Qо‘lingizdagi mazkur kitobda, mualliflar Sizga
tanlagan kasb-mutaxassisligingiz paxta sanoati, tо‘qimachilik va  yengil
sanoat tarmoqlari, ularning paydo bо‘lish tarixi va rivojlanish
bosqichlari haqida dastlabki tushunchalar berishga harakat qilgan.
Shu bois, biz bu qо‘llanmani umumiy ma’noda tо‘qimachilik degan
sо‘zning keng qamrovli hamda keng ma’noli tushuncha ekanligidan
kelib chiqqan holda “Tо‘qimachilik tarixi” deb nomladik. Demak,
kitobda sо‘z faqat tо‘qimachilik kasbi haqida borarkanda deb
tushunmaslik kerak.
 Negaki, paxta sanoati, tо‘qimachilik va yengil sanoat sohalarining
har bir tarmog‘i о‘zining boy va uzoq tarixiga, shuningdek, kelgusida
istiqbolli rivojlanish imkoniyatlariga ega.
О‘ylaymizki, о‘z tanlagan kasb-mutaxassisligingizga bо‘lgan mehr
va qiziqish Sizni bо‘lajak kasbingiz tarixiga e’tiborsiz qoldirmaydi.
Tabiiyki, Siz о‘z kasbingiz, uning tarixi, ya’ni о‘tmishi, bugungi kuni va
istiqboli bilan faxrlanasiz. Ayniqsa, mamlakatimiz mustaqilligini

---

4
mustahkamlashda tо‘qimachilik va yengil sanoatining salmoqli hissasi
borligini bilib yanada quvonasiz. Ha, bugungi kunda respublikamiz
iqtisodiyotining asosiy qismi paxta sanoati, tо‘qimachilik va yengil
sanoat tarmoqlari bilan bevosita yoki bilvosita bog‘liqdir.
Aziz о‘quvchi! Siz respublikamiz iqtisodiyotining yetakchi
tarmoqlari- paxta sanoati, tо‘qimachilik va yengil sanoat hamda boshqa
sanoat tarmoqlari uchun malakali kadrlar tayyorlash maskanlari
kasb-hunar kollejlarida о‘qish jarayonida, uning tarixi va rivojlanish
bosqichlari, boy an’ana va qadriyatlari, yetuk professor-о‘qituvchilari,
mehribon ustoz-murabbiylari bilan ham yaqindan tanishasiz.
Aminmizki, bu jamoada о‘z о‘rningizni topib, uning an’ana va
qadriyatlarini davom ettirasiz, yaxshi xulq, a’lo baxoga о‘qish bilan
tanlagan kasb-mutaxassisligingiz bо‘yicha ajoyib, har tomonlama yetuk
kadr bо‘lib yetishasiz. Kelgusida xalqimiz va ona-vatanimiz baxt-
saodati, porloq kelajagi yо‘lida hormay-tolmay mehnat qilib,
respublikamiz iqtisodiyoti rivojiga munosib hissa qо‘shasiz.
Mazkur kitob, shu ma’noda Siz aziz о‘quvchilarga mо‘ljallangan.
Agar biz shu kitob orqali Sizlarda bir oz bо‘lsada о‘z kasblaringiz bilan
faxrlanish va g‘ururlanish his-tuyg‘ularini qо‘zg‘ata olsak, о‘zimizni
baxtiyor hisoblaymiz. Kitob akademik litsey va kasb-hunar kollejlari
о‘quvchi hamda ustozlariga shuningdek, institutda mutaxassislikka
kirish darslarini о‘tishda professor-о‘qituvchilar va ustoz-murabbiylarga
ham tavsiya etiladi. Shu ma’noda undan barcha qiziquvchilar
foydalanishlari mumkin.
Kitob tо‘g‘risidagi fikr va mulohazalaringiz uchun oldindan о‘z
minnatdorchiligimizni bildrib qolamiz.
Tabiiyki, Siz tо‘qimachilik yо‘nalishida о‘rta maxsus malaka olar
ekansiz, albatta oliy ma’lumot olishni ham xohlaysiz. Shu ma’noda ikki
og‘iz sо‘z bu sohaning yetakchi maskani Toshkent tо‘qimachilik va
yengil sanoat instituti haqida.

---

5