Р е ж а: Суйиладиган хайвонларни гўшт корхоналарига қабул қилиш

Сўйилган ҳайвонлар танасини қайта ишлаш

Сўйилган ҳайвонлар қонсизлантирилгандан сўнг, танани қайта ишлашга ўтилади. Танани қайта ишлашда қуйидаги ишлар бажарилади:

1. 
   Бош терисини ажратиш.
   
2. 
   Каллани танадан кесиб олиш.
   
3. 
   Терини танадан тўлиқ ажратиш.
   
4. 
   Оёқ пайчаларини кесиб олиш маълум бўғинлардан.
   
5. 
   Тос, қорин ва кўкрак бўшлиқларидан ички органларини ажратиб олиш. (Нутровка)
   
6. 
   Бутун гўшт танасини икки бўлакка бўлиш (нимталаш)
   
7. 
   Нимталанган танани тозалаш ва етилтириш учун совутиш камерасига жўнатиш.
   

Танани қайта ишлаш жараёни, мухим ва ўта эътиборни талаб қилади. Бунда санитария гигиена талабларига тўлиқ риоя қилмаслик, гўшт ва терининг сифатига ҳамда гўшт сифатини пасайишига шунингдек ҳар хил микроблар билан ифлосланишига олиб келади.
Танани қайта ишлаш жараёни икки хил ҳолатда бажарилади:

1. 
   Горизонтал –ётган ҳолатда
   
2. 
   Вертикал –осилган ҳолатда
   

Горизонтал ҳолатда танани қайта ишлаш, қийин ва куп мехнат талаб қилади, ҳамда санитария гигиеник талабларига тўлиқ жавоб бермайди. Бу ҳолатда молларни мажбурий сўйилганда, сўйиш майдончаларида қайта ишланади.
Вертикал ҳолатда танани қайта ишлаш қулай ва ветеринария талабларига тўлиқ жавоб берганлиги сабабли, гўшт корхоналари ва кушхоналарда, ишлар вертикал ҳолатда бажарилади.


Қорамол танасини ишлаш

Гўшт корхоналарида молни танаси вертикал ҳолатда рельсли йўлга осилади. Терини ажратиш бош қисмидан бошланади, бош қисмидаги тери ажратилгандан кейин қулоқлари қирқилади, кейин эса бошига ва танасига бир хил рақам ёпиштирилади. Рақам ёпиштирилган бош танадан ажратилади. Танадан бошни ажратиш энса суяги билан атлант суягини ўртасидан бўлиши керак. Кесиб олинган бошни кекирдакни 2-3 ҳалқаларидан ёки пастки жағ суягини бурчагидан махсус илмоққа илиниб,тили ажратиб олинади ва бош билан бирга текширилгандан сўнг, шохлари кесиб олинади, кейин эса танадан терини ажратишга киришилади.

Терини ажратиш – терини танадан ажратиш жараёни икки усулда бажарилади:

1. 
   Забеловка ёки қисман теридан ажратиш.
   
2. 
   Терини танадан охиригача ажратиш.
   

Забеловка –бунда танадан тери қисман ажратилади, яъни оқ чизиқ бўйлаб кесилиб, кўкрак, бўйинни пастки қисми, қорин ва оёқлар яъни курак ва соннинг атрофлари, қисман дум теридан ажратилади. Шу билан бир вақтда олдинги оёқни билакузук ва кейинги оёқни сакраш бўғимларидан оёқ пайчалари кесиб олинади. Барча турдаги гўшт корхоналарида бу жараён қўлда пичоқ билан бажарилади. Бу ишни амалга ошириш вертикал ёки горизонтал ҳолатларда бўлиши мумкин.