Р. А. Ашуров педагогика назарияси “ фан “ Ўзбекистон республикаси халқ таълими вазирлиги

Педагогика фанининг илмий - фалсафий асослари

Педагогика таълим-тарбия ходисалаарини: тарбия, ўқитиш, маълумот бериш, уларнинг мақсад ва мазмуни, шакл ва усулларини жамиятдаги бошқа ходиса ва воқеалар билан, жамиятнинг тарихий тараққиёти билан боғлиқ ҳолда ўргатади, эеро, тарбия шу ижтимоий воқеа ва ходисаларнинг тарихий шароити натижасида пайдо бўлади ва уларга боғлиқ ҳолда тараққий этади. Бу фан тарбия, таълим-тарбиявий ғоя ва фикрларга улар тараққий этади, доимо ўзгариб, доимо янгиланиб туради деб қарайди. Бир ижтимоий тузумдан иккинчи ижтимоий тузумга ўтиш билан тарбия ҳақидаги фикрлар ҳам, унинг мақсади, мазмуни, системаси ҳам ўзгаради ва янгиланади.

Педагогика фанининг тузилиши
(структураси)

Педагогика фани асосан 4 қисмга бўлинади:

1. 
   Педагогиканиннг умумий асослари.
   
2. 
   Таълим назарияси (дидактика)
   
3. 
   Тарбия назарияси
   
4. 
   Мактабшунослик
   

Педагогика фанининг асосий манбаларига қуйидагилар киради:

• 
  Ўзбекистон Республикаси Президентининг мактаб, маориф, таълим-тарбия ҳақида чиқарган фармонлари, асарлари нутқлари ва кўрсатмалари:
  
• 
  Республика Вазирлар Маҳкамасининг маориф, мактаб, таълим-тарбия ҳақидаги қарор ва кўрсатмалари:
  
• 
  Республика Олий ва ўрта махсус вазирлигининг қарор ва кўрсатмалари;
  
• 
  Республика халқ таълими вазирлигининг мактаб, маориф таълим-тарбия ҳақидаги қарор ва кўрсатмалари;
  
• 
  Танқидий асосда танлаб олинган маданий – маърифий мерослар;
  
• 
  Ўтмиш педагоглар, мутафаккирлар ва буюк алломаларнинг ғоялари:
  
• 
  Илғор мактаблардаги, таълим – тарбия муассасаларидаги ўқитувчи ва тарбиячиларнинг таълим-тарбия соҳасидаги намунали иш тажрибалари:
  
• 
  Педагогика, психология ва маориф соҳасида илмий тадқиқот олиб бораётган олимлар ва амалиётчиларнинг намунали иш тажрибалари:
  
• 
  Хорижий мамлакатларда маориф, мактаб, таълим-тарбия соҳасидаги илғор намунали иш тажрибалари ва ҳоказо.