Qutlimuratov nurbek matkarimovichning mahalliy xomashyolar va chiqindilar asosida yangi ionitlar sintezi

§2.1.4. Polivinilxlorid asosida olingan ionit(PVX-A-N-2)ning sintezi
Ma’lum darajada to‘ldiruvchi va plastifikatorlardan tozalangan PVX ni gazlarni tozalashda ishlatilib bo‘lingan, tarkibida monoetonolamin (MEA) saqlagan chiqindi maxsuloti bilan turli xil nisbatda (gr:ml) 1:1 va 1:2, 1:4, 1:8, 1:16 nicbatlarida modifikatsiyalash reaksiyalari olib borildi. YAngi turdagi ionitlar sintez qilinganda ularning ion almashinish xususiyati bor yoki yo‘qligi dastlab, laboratoriya sharoitida statik almashinish sig‘imi(SAS) orqali baholanadi. SHularni inobatga olgan holda modifikatsiyalanish natijasida olingan yangi polimer maxsuloti aktivatsiya qilindi hamda olingan mahsulotining statik almashinish sig‘imi tekshirildi va 2.1.1.1-jadvalda keltirildi.

2.1.2.1-jadval
№	PVX va chiqindi maxsulotlarning turli xil nisbatlari
1.	PVX-MEA (g/ml)	1:1	1:2	1:4	1:8	1:16
2.	SAS(HCl) mg•ekv/g	1,2	2,2	3,8	3,8	3,8
2.1.2.1-jadval. Anionit olish jarayonida SAS qiymatiga MEA hajmining ta’siri

2.1.1.1-jadvaldan quyidagicha xulosa qilish mumkin: 1 gr ekstraksiya qilingan plastikat polivinilxloridga 4 ml chiqindi mahsuloti qo‘shilganda olingan yangi polimerning statik almashinish sig‘imi eng yuqori (3,2 mg•ekv/g) bo‘ladi. Olingan polimerning ion almashinish xususiyatiga ega ekanligini va uning kimyoviy tuzilishini o‘rganilishi va elementlarning miqdor ko‘rsatkichlarini baholash hamda sirt yuzasida o‘zgarilarni baholash lozimligini ko‘rsatadi. SAS miqdori eng yuqori bo‘lgan aktivatsiya qilingan yangi polimerning IQ spektori va element tahlili olindi.