“Qurish va konstruksiyalash” markazi, yon tomonida “Til va nutq”

Aqliy va jismoniy jihatdan sog‘lom bolalar, hatto logopedik nuqsoni bor bo‘lgan bolalarning o‘ynashi, ularning aqliy salohiyatining rivojlanishida samarali vosita bo‘lib xizmat qiladi. Bu bizibordni o‘ynash orqali bola o‘zi xohlagan burchagiga va o‘zi xohlagan mashg‘ulotini tanlash imkoniga ega bo‘ladi. Bundan tashqari, bola “Ilk qadam” davlat dasturida ko‘rsatilgan markazlar bilan erkin faoliyat jarayonida ham mashg‘ul bo‘ladi. Busyboardda jamlangan jihozlar barmoqdagi nuqtachalarga tegib mayda motorikani rivojlantiradi. Boshlang‘ich mantiqni shakillantiradi, tasavvurni boyitadi, hissiy qobiliyatni rivojlantiradi, faollikni oshiradi, nuq rivojlanishida samarali ta’sir ko‘rsatadi. Ya’ni nutq rivojlanishi mayda motorika bilan uzviy bog‘liq. Shifokorlarning ta’kidlashicha barmoq uchi va o‘z harakatlarini boshqarish ko‘nikmalari miyaning nutq uchun javob beruvchi qismlari bilan bevosita bog‘liq. Mazkur bizibord Montesorriy o‘yinchog‘idan shunisi bilan farq qiladiki, bu bizibord markazlarni o‘zida jamuljam qilgan. Murg‘ak, beg‘ubor jajji shirintoylar hayotining asosiy qismini o‘yin faoliyati tashkil etadi. Shunday ekan ularning bu faoliyatini mazmunli tashkil etmog‘imiz lozim. Bu bizibord orqali bola markazlardagi faoliyatini faqat MTTlarida emas, hatto uyda ham davom ettirishi mumkin bo‘ladi. Bilamizki, bolajonlar aynan nima bilan, qanday, qancha muddatga o‘yin faoliyati bilan shug‘ullanishlarini bilishmaydi. Shuning uchun ham mazkur bizibordlar ularning faoliyatini mazmunli va maroqli, shu bilan birga uzoq muddatli bo‘lishini ta’minlaydi. Uy ko‘rinishidagi markazli bizibordlarning har bir tomoni tegishli markazlarning jihozlari bilan boyitilgan bo‘ladi. Masalan, uychaning old qismida “Qurish va konstruksiyalash” markazi, yon tomonida “Til va nutq” markazi, ikkinchi yon tomonida esa, “Elementar matematik amallar” , orqa tomonida musiqa asboblari, yuqorigi tom qismida “Syujetli rolli o‘yinlar” aks etgan bo‘ladi. Uyning har bir tomoni bolaning ma’lum rivojlanish darajasiga o‘z ta’sirini ko‘rsatadi. Shu bilan birgalikda, ushbu bizibordlarni xuddi shu tartibda yoki “Ilk qadam” davlat dasturida ko‘rsatilgan MTTlarining haftalik mavzulariga mos holda jihozlashimiz mumkin bo‘ladi. Bu holat bizibordlardlardan keng qamrovli foydalanish imkonini beradi. Ya’ni mazkur bizibordlardan mashg‘ulot jarayonida, o‘yin faoliyatida samarali foydalansa bo‘ladi.