Qurilishda marketing tushunchasi va mohiyati

1.1. Ekspert baholash. Bunda mavjud shart-sharoitlarda olib borilgan marketing tadqiqotlarining natijalarini marketolog, tahlilchi(analitik) va iqtisodchi mutaxassislarni jalb etgan holda kompaniyaning bozordagi imkoniyatlari (sotish va foyda olish hajmlari) baholanadi.
1.2. Eksperimental baholash. Bunday baholashda marketologlar marketing tadqiqotining so‘rov o‘tkazish, intervyu olish kabi metodlaridan foydalanib olingan natijalarni baholaydi va ular asosida kompaniyani qurilish mahsulotlar bozoridagi harakat usullarini ishlab chiqadi va amaliyotga joriy etadi. SHundan so‘ng yana natijalar olinadi, ular tahlil qilinadi va harakat usullari takomillashtiriladi. Eksperimental baholash qurilish mahsulotlar bozorida doimiy o‘tkazilishi kompaniyani istiqbolli rivojlanishida katta rol o‘ynaydi.
1.3. Iqtisodiy-matematik modellashtirish yordamida baholash. Bu tasnifda yuqoridagi ikkita tasnifda foydalangan usullardan farqli o‘laroq, barcha marketing tadqiqotlarining harakatlari iqtisodiy modellar asosida amalga oshirilib, uning natijalari iqtisodiy-matematik usullardan foydalangan holda tahlil etiladi. Bu usulga juda ham yuqori malaka talab etiladi, shuning uchun bu tasnifdagi usullardan tajribali marketologlar foydalanadi. Ushbu tasnifdagi usullardan foydalanish orqali korxonaning marketingga taaluqli faoliyatining moliyaviy va iqtisodiy salohiyati aniqlanadi.
Qurilish mahsulotlar bozorida marketing tadqiqotlaridagi loyiha turlari bo‘yicha quyidagicha tasniflanadi:
2.1. Tavsiflovchi marketing loyihasi. Bunda qurilish xizmatlari bozorida iste’mochilarning talabiga mos qurilish xizmat turlarini o‘rganish, uni tavsiflash va olingan natijalar asosida takliflarni yaratishga yo‘naltirilgan loyihalar kiritiladi. Bunda qurilish xizmatlari bozorida kompaniyaning imijini mustahkamlash, brend kategoriyasiga ko‘ra kompaniya markasini mashhurlikka yo‘naltiriladi.
2.2. Yangi iste’molchilar, mijozlar, biznes-hamkorlar va yangi bozorlarni izlashga yo‘naltirilgan marketing loyihalari. Bunday loyihalar qurilish xizmatlari bozorida kompaniyaning sotish va foyda olish hajmini oshirishga yo‘naltirilgan faoliyat amalga oshiriladi.