Qurilish materiallari va konstruksiyalari

Rasm. Seksiyali turar-joy binosi.



Rasm. Galereyali turar-joy binosi.



Rasm. Koridorli turar-joy binosi.

Yuqorida turlari sanab o’tilgan barcha turdagi xonadonli turar joy binolarining asosiy elementi xonadon bo’lib, uning ichida yashovchi shaxslarining ko’p funksiyali barcha manaviy va moddiy talablari bajarilmog’i shart. Har qanday xonadonlar unda yashovchilar soni, sanitariya –gigena talablari hamda ularga yaratiladigan sharoitlardan kelib chiqqan holda ShNK 2.08.01-05 “TURAR JOY BINOLARI” qoidalari va meyorlari talablari asosida 1,2,3,4,5,6 xonali tarzda “oddiy klassli” hamda1,2,3,4,5,6, 7 va 8 xonali tarzda “yaxshilangan klassli” va “yuqori klass” qulaylikka ega bo’lgan tarzda loyihalanadi.

Xonadonlarning umumiy maydonlari va xonalarining maydonlari ularning mo’ljallanishi va yashovchilar soni hamda yaratiladigan qulaylilik klasslaridan kelib chiqqan holda 2.08.01-05 “TURAR JOY BINOLARI ” ShNKining 3-“Turar joy uylar va ularning tarkibiy qismlari” bo’limining Xonadonlar qismining 1-majburiy jadvali hamda 7 ilovasi 1-2 tavsiyaviy jadvallari orqali aniqlanadi.Har qanday xonadonni loyihalashda quyida keltiriladigan xonalarni ko’zda tutmoq lozim: yashash xonalari (umumiy xona, yotoq xonalar), oshxona, dahliz, yuvinish va xojat xonalari, yozgi xonalar (ayvon) hamda yuklarni saqlash uchun maxsus devor ichiga qurilgan yoki taxmonsimon shkaflar.
Yashash xonalari yani umumiy xona va yotoq xonalar xonadonning eng asosiy xonalari sanaladi.
Umumiy xonalar boshqa xonalardan himoyalangan holda mebellar va boshqa jihozlarni joylashtirishda qulaylikka ega bo’lish uchun 1:1 va 1:1,5 nisbatda loyihalanadi, lekin bazi bir hollarda xonadondagi barcha xonalar soni uch va undan ortiq bo’lgan hollarda yotoqxonalarning biridan umumiy xonaga chikish eshigi ochish uchun ruxsat beriladi. Umumiy xonalarning maydonlari har qanday holatda ham 14 m.2.dankam bo’lmasligi lozim.
Yotoq xonalari xonadonlarda mo’ljallanishi bo’yicha bir necha xil bo’lishi mumkin: -ota-onalar uchun, ota-ona va uch yoshgacha bo’lganbola uchun birgalikda, bolalar uchun va bir kishi uchun.
Oshxona – xonadonlarda ovqat tayyorlash uchun mo’ljallanadi va unda jarayonni amalga oshirish uchun talab etiladigan muhandislik jihozlari va oshxona mebellari joylashtiriladi.