Qurilish materiallari va konstruksiyalari

Binoning balandligi - bu, bino 1-qavatining polidan (0,00) bino tomining eng yuqori nuqtasigacha bo’lgan balandlikdir.
Qavatning balandligi - bu, bino pastki qavatining polidan (0,00) yuqori qavatining poligacha bo’lgan balandlikdir.
Xonaning balandligi - bu, bino qavatining polidan (0,00) shiftigacha bo’lgan balandlikdir.
Bino va inshootlarni loyihalashda maydon quyidagi ko’rinishlarda qarab chiqiladi:
Xonadonning yashash maydoni – bu, xonadon tarkibidagi yashash xonalari (umumiy va yotoq xona) ning ichki shkaflar maydonlarini hisobga olinmagan maydonidir. Yotoqxona va internatlarda yashash maydoni sifatida yashash xonalarining maydonlari hisobga olinadi
Xonadonning yordamchi maydoni – bu, xonadon tarkibidagi dahliz, ichki yo’laklar, oshxona, ichki shkaflar, xojat va yuvinish xonalari hamda ichki zinapoyalarining maydonlarining yig’indisi hisobga olingan maydonidir.
Xonadonning umumiy maydoni – bu, xonadonning yashash maydoni va yordamchi maydonlarning, yozgi xonalar va xonadon tarkibidagi isitilmaydigan xonalar maydonlarining (kamaytiruvchi koeffitsentlar bilan ) yig’indisidir.
Binoning yashash maydoni – bu, turar joy binosi tarkibidagi xonadonlarning yashash xonalari (umumiy va yotoq xona) ning ichki shkaflar maydonlarini hisobga olinmagan maydonlari yig’indisidir. Yotoqxona va internatlarda yashash maydoni sifatida barcha yashash xonalarining maydonlari hisobga olinadi
Binoning yordamchi maydoni – bu, turar joy binosi tarkibidagi xonadonlarning dahliz, ichki yo’laklar, oshxona, ichki shkaflar, xojat va yuvinish xonalari hamda ichki zinapoyalari maydonlarining yig’indisi hisobga olingan maydonidir.
Binoning umumiy maydoni - bu, bino tarkibidagi xonadonlarning yashash maydonlari va yordamchi maydonlarning, yozgi xonalar va xonadon tarkibidagi isitilmaydigan xonalar maydonlarining (kamaytiruvchi koeffitsentlar bilan ) hamda zinapoya va lift shaxtalarining bir qavat maydonidagi yig’indisi hisobga olingan maydonidir.