Qurilish materiallari

Zinapoya konstruksiyalariga zina pillapoyalari, maydonchalar, yarim maydonchali pillapoya kiradi (7.1-rasm). Zina pillapoyalari murakkab sltakldagi konstruksiya hisoblanadi, armatura karkaslari
va to'rlari bilan armaturalanadi. Zina maydonchalari va pillapoyalar M200 va M300 markali og'ir va yengil betonlardan tayyorlanadi, yuzasi mozaika qorishmalari, keramik plitkalar bilan qoplanishi mumkin. Zina konstruksiyalari o'lchamlari binolarning tipiga va seriyasiga mos ravishda ishlab chiqariladi. Zina pillapoya va maydonchalari zavodda yaxlit holda ishlab chiqarilishi mumkin.
Jamoat binolari qurilishida turli maqsadlarga mo'ljallangan buyumlar - sanitariya-texnika va ventilatsiya bloklari, isitish pa­nellari, sanitariya-texnika kabinalari va shu kabilar ishlatiladi.


7.2.2. Sanoat binolari uchun konstruksiyalar


Sanoat binolari qurilishida temirbeton poydevor, ustun, to'sin, ferma, arka, qavatlararo va tombop plitalar va shu kabilar ishlatiladi.
Yer osti qismi konstruksiyalariga poydevor bloklari, ustunga mo'ljallangan poydevorlar (boshmoqlar) va shu kabilar kiradi.

Poydevor bloklari va to'sinlari M200-M400 og'ir betondan tayyor­lanadi. To'sinlar ko'ndalang kesimi trapetsiya yoki tavr shaklida, kesi­mining balandligi 400-600 mm, uzunligi 4,3 va 11,96 m bo'ladi. To'­sinlar avvaldan taranglangan armatura bilan armaturalangan holda ishlab chi­qariladi. Ustunlar o'rnatiladigan poy­devorlar tagining o'lchami 2 m gacha va balandligi 1 m gacha M150-M300 og'ir betondan tayyorlanadi. Poydevor markazida ustun o'rnatish uchun chuqurcha armatura karkasi bilan ta'minlanadi (7.2-rasm).

7.2-rasm. Ustunga mo'ljallangan poydevor.



Sanoat bino karkaslari uchun temirbeton ustunlar, kranosti to'sinlari, torn to'sinlari, fermalar va arkalar ishlatiladi.
Sanoat binolari ustunlari yaxlit va panjarali, bir hamda ikki konsolli turlarda M200-M500 og'ir va yengillashtirilgan beton­lardan ishlab chiqariladi. Ustunning balandligi bino balandligiga mos, ko'ndalang kesimining o'lchamlari 300x300 dan 400x600 mm va undan ortiq kvadrat, to'g'ri burchak va tavr shaklida tayyortanadi (7.3-rasm).