Qurilish materiallari korxonalar iqtisodiyoti

2-MAVZU. QURILISH – MILLIY IQTISODIYOTNING MUHIM TARMOG`I

Reja

2.1. Qurilishning xususiyatlari va milliy iqtisodiyotni rivojlantirishdagi roli

2.2. Qurilishning tashkiliy shakllari

2.3. Qurilishning moddiy-texnik bazasi va uning taraqqiyot istiqbollari
Tayanch iboralar: Qurilish, tugallanmagan qurilish, sanoat qurilishi, iqtisodiyot, tarmoq,iqtisodiy samaradorlik.

2.1. Qurilishning xususiyatlari va milliy iqtisodiyotni rivojlantirishdagi roli

Qurilish - asosiy moddiy ishlab chiqarish tarmoqlaridan biridir. U milliy iqtisodiyotda uchinchi (sanoat va qishloq xo’jaligidan keyin) o’rinda turadi. Qurilishning mahsuloti - barcha turdagi ishlar bo’yicha tugallangan va ishga tushirishga tayyor bo’lgan ishlab chiqarish va noishlab chiqarish asosiy fondlari, shuningdek, amaldagi korxonalarning kengaytirilishi va qayta ta’mirlanishi, ularda ishlab chiqarishni texnik jihatdan qayta jihozlanishidir. Uy-joy muammlarining yechimi batamom qurilish zimmasiga yuklatiladi.

Tugallanmagan qurilish - bu tugallanmagan va foydalanishga topshirilmagan qurilish obyektlari bo’yicha o’zlashtirilgan kapital qo’yilmalarning muayyan bir sanadagi holati bo’yicha olingan hajmidir. Tugallanmagan qurilish tarkibida amalga oshirilayotgan, shuningdek, vaqtincha va batamom to’xtatib qo’yilgan qurilishlar va obyektlar bo’yicha kapital qo’yilmalar hisobga olinadi. Tugallanmagan qurilish hajmlarining o’zgarishi quyidagi formula yordamida hisoblanadi: