Qurilish materiallari korxonalar iqtisodiyoti

N_y.o.= N_y.b. + K - V_as.f - S_kq,

bu yerda:

N_y.o. va N_y.b - tugallanmagan qurilish, mos ravishda hisobot davrining oxiri va boshida, qiymat shaklida (smeta qiymatida);

K - hisobot davridagi kapital qo’yilmalar;

V_as.f - hisobot davrida asosiy fondlarni foydalanishga topshirish;

S_kq - belgilangan tartibda hisobdan chiqarilgan kapital qo’yilmalarning qiymati.

Tugallanmagan qurilish ishlab chiqarishi - tugallanmagan va buyurtmachiga topshirilmagan obyektlarda (qurilishlarda) pudratchi tashkilot yoki tashkilotlar tomonidan bajarilgan qurilish mahsulotining qurilish-montaj ishlarining hajmini tavsiflovchi qismi. Tugallanmagan qurilish hajmi natura va pul ifodasida hisobga olinadi.

Qurilishning asosiy ishlab chikarish bo’g’inlari - bu qurilish boshqarmalari, montaj boshqarmalari, qurilish-montaj boshqarmalari (SMU - QMB), ko’chma mexanizasiyalashgan kolonnalar (PMK - KMK) yoki ixtisoslashgan mexanizasiyalashgan kolonnalar (SPMK - IMK), uy-joy va zavod qurish kombinatlari (DSK, ZSK – UJQK – ZQK), pardozlash ishlari boshqarmalari, ko’prik qurilishi otryadlari, ishga tushirish-sozlash boshqarmalari va hokazolardir. Ularning ko’pchiligiga boshqaruvning yuqori pog’onasi sifatida tegishli trestlar boshchilik qiladi. Hozirgi paytda, hukumatimizning iqtisodiy islohotlarni chuqurlashtirish tasirisidagi qarorlariga muvofiq, xususiy qurilish firmalari tarmoqini tashkil qilish va rivojlantirish, qurilishni bir-ikki pog’onali boshqaruv tizimiga o’tkazish masalalari ilgari surilmoqda.