Qurilish materiallari, buyumlari va konstruktsiyalari ishlab chiqarish

SHlakoportlandsement deb portlandsement klinkeri va granullangan domna shlakni bir oz gips qo‘shib birgalikda maydalab hosil qilinadigan gidravlik bog‘lovchi moddaga aytiladi. Gips tutib qolish muddatlarini rostlash va shlak qotishini faollashtirish uchun kiritiladi. SHlakoportlandsementni shu dastlabki materiallarning o‘zini alohida-alohida maydalab aralashtirish yo‘li bilan ham tayyorlash mumkin. SHlakoportlandsement tarkibidagi granullangan domni shlaki miqdori sement massasining kamida 21% va ko‘pi bilan 60%ni tashkil qilishi kerak.
SHlakoportlandsementning 300, 400 va 500 markalari chiqariladi va u ko‘kish kul rangga ega, sementning boshqa turlaridan shu bilan farqlanadiki, uning tarkibida juda ko‘p miqdorda metall zarrachalari bo‘ladi, ular magnit yordamida aniqlanadi. Uning yumshoq holatdagi zichligi esa 1400-1800 kg/m³ sement qorishmaning normal quyuqligi 26-30%; to‘yish maydaligi va xajmining bir me’yorda o‘zgarishi portlandsementniki kabidir.
Qotayotganda shlakoportlandsement oddiy portlandsementga nisbatan oz issiqlik chiqaradi, lekin uning issiqqa, suvga va sulfatga chidamliligi yuqoridir. Agressiv muhit ta’siriga yuqori chidamli.
Giltuproqli sementning narxi yuqori bo‘lganligi (u portlandsementdan 3-4 marta qimmat) uchun uning ishlatilish cheklangan. Undan shoshilinch ta’mir va avariya ishlarida, qish sharoitlarida ishlarni bajarishda, nihoyat darajada minerallashgan suvlar ta’siriga uchraydigan beton va temir-beton inshootlarda, olovbardosh betonlar hosil qilish, shuningdek kengayadigan va kirishmaydigan sementlarni tayyorlashda foydalaniladi.
Agressiv muhitga polimerbetonlar va betonopolimerlar ancha chidamli.
Polimerbetonlar beton tarkibiga polimerlar kiritilib hosil qilinadi, ular yuqori zichlik va suv o‘tkazmaslik hamda sovuqqa chidamliligi bilar xususiyatlanadi
Betonpolimerlar g‘ovaklari maxsus ishlov berish natijasida polimerlarga to‘ldirilgan betondan iborat. Betonga smolalar, bitum, oltingugurt, suyuq manomerlar (metilmetakrilat yoki stirol), polimerlar (epoksid va poliefir smolalar) va ular asosida tayyorlangan turli kompozitsiyalar qo‘shilgan petrolatum shimdiriladi. Bunda betonning mexanik, fizik va himiyaviy xossalari ancha ortadi. Masalan, betonning siqilishga mustahkamligi 200 MPa gacha, suv o‘tkazmasligi, sovuqqa chidamliligi va umuman chidamliligi bir necha marta ortadi.