Qurilish materiallari, buyumlari va konstruksiyalari texnologiyasi

2.3.  Yig‘ma  temirbeton  konstruksiyalarini  zavod  sharoitida  tayyorlash 
texnologiyasi 
Yig‘ma  temirbeton  konstruksiyalarini  zavod  sharoitida  tayyorlash 
texnologiyasi  asosiy  agregat  oqim,  konveyer  va  stend  usullarda  bajariladi.  Kasseta 
usuli stend usulining bir turidir. 
Quyida  oldindan  zo‘riqtirilgan temirbeton konstruksiyalarini zavod sharoitida 
tayyorlashning asosiy usullarini ko‘rib chiqamiz. 
 
2.3.1.  Agregat oqim usuli 
Konstruksiyalarni tayyorlashning agregat oqim usuli texnologik jarayonni turli 
tipdagi  operatsiyalarni  oqimda  bir  maromda  olib  borib,    alohida  operatsiya  yoki 
ularning ma’lum bir guruhlarini universal agregatlarda, qolipdagi maxsulotni postdan 
postga ko‘chib yurish orqali amalga oshiriladi (5.4-rasm).  
Maxsulot  va  qoliplar  postdan  postga  ushbu  ish  joyidagi    operatsiyaga 
ajratilgan vaqtga qarab erkin xolda ko‘chirib o‘tkazilib turadi.  Qolip va maxsulotlar 
operatsiyalar  o‘rtasida  ko‘tarish-transport  va  tashish  vositalari  yordamida  amalga 
oshiriladi. 
Agregat  oqim  texnologiyasi  texnologik  va  transport  uskuna,  issiqlik  ishlov 
berish rejimini boshqarish va xattoki ko‘p turdagi maxsulotlarni ishlab chiqarishdagi 
yuqori moslashuvchanligi bilan ajralib turadi (5.5-rasm). 
Agregat  oqim  tizimida  vibromaydonchada  bir  maxsulotga  mo‘ljallangan 
vibromexanizmsiz  kovak  hosil  qiluvchili  qoliplarda  temirbeton  qoziqlar,  poydevor 
bloklari,  bosimsiz  quvurlar,  ko‘pkovakli  panellar,  bir  kovakli  tayanchlar  va 
qoziqlarni  tayyorlash  mumkin.  Ko‘p  kovakli  panellarni  vibromexanizmlar  bilan 
jixozlangan kovak hosil qiluvchilar mavjud postlarda, bosimli va bosimsiz quvurlar 
rolikli  va  tasmalissentrefugalarda    ajratiladigan  va  ajralmaydigan  qoliplarda,  ichi 

---

 
bo‘sh  kolonnalar,  tarnovlar,  elektr  uzarish  tizimi  va  yoritish    tayanchlari,  maxsus 
uskunalarda  vibrogidropresslangan  bosimli  quvurlar  va  ko‘pgina  buyum  va 
maxsulotlar  ishlab chiqariladi. 
Quyida  agregat  oqim  tizimida  ba’zi  oldindan  zo‘riqtirilgan  temirbeton 
maxsulotlarini  ishlab chiqarishni misollarda ko‘rib chiqamiz.