Qurilish materiallari, buyumlari va konstruksiyalari texnologiyasi

1.5.  Armaturani taranglashtirish darajasini tekshirish 
Konstruksiyani  oldindan  zo‘riqtirilish  darajasi    va  undan  kelgusida 
foydalanishning  ishonchliligi  armaturani  taranglashtirish  aniqligiga  bog‘liq.  Bu  esa 
armaturani taranglashtirish darajasini nazorat qilish zarur ekanligini bildiradi. 
Armaturani  gidrodomkratlar  yordamida  taranglashtirilganda  taranglashtirish 
jarayonida  manometrlar  va  armaturani  uzayishiga  qarab  amalga    oshiriladi.  
Armaturani    uzayishi    o‘lchov    reykasi    yoki    metall  chizg‘ichning  millimetrli 
shkalasi  bo‘yicha  nazorat  qililinadi.  O‘lchov  manomert  noldan  strelkasi  o‘zgarish 
vaqtidan boshlanadi. Taranglashtirish kuchi avvaldan tekshiruvdan o‘tgan manometr 
yordamida amalga oshiriladi.  
Mexanik usul yordamida  taranglashtirishganda  xisobiy uzayish va manometr 
yordamida  aniqlangan  taranglashtirish  kuchi  orasidagi  farq  10%  dan  ko‘p 
bo‘lmasligi  kerak.  Agarda  farq  katta  bo‘lsa,  taranglashtirish  to‘xtatiladi  va  asbob-
uskunadagi  nosozliklar  yoki  strejenlarning  anker  moslamalaridagi  nosozliklar 
bartaraf etiladi va shundan so‘nggina taranglashtirish ishlari davom etdiriladi.  
Elektrotermik  usulda  armatura  tarangligi  aniqligini    nazorat  qilish 
tayyorlanagan taranglashtiriluvchi armatura elementlarining o‘lchamini tekshirishdan 
boshlanadi.  Bunda  armatura  sterjenlari  ankerlari    boshlaridagi  tayanch  yuzalari 
orasidagi  va  qoliplardagi  tayanchlar  orasidagi  masofaning  farqi  orqali  armatura 
sterjenining  taranglashtirishdagi uzayishi aniqlanadi. 
Armatura  elektrotermik  usulda  taranglashtirilganda  uning  xaqiqiy  uzayishi 
xisobiy  uzayishdan  farqi  sterjenlarning  uzunligi  6,5  metrgacha  bo‘lganda  4 
millimetrdan,  uzunligi  12  metrgacha  bo‘lganda  6  millimetrdan  ko‘p  bo‘lmasligi 
kerak. 
Elektrotermik  yoki  mexanik  usulda  taranglangan  armaturaning  tarangligini 
muntazam tekshirib borish bilan birga, vaqti vaqti bilan PRDU, PIN, IPN va boshqa 
o‘lchovchi uskunalar yordamida tekshirib turish tavsiya etiladi. 
PRDU va  PIN uskunalari taranglangan armaturaning egilishini o‘lchash, IPN 
uskunasi  esa  taranglangan  armaturaning  tebranish  chastotasini  o‘lchash  prinsipida 
ishlaydi. PRDU uskunasini (4.33-rasm) diametri 10 dan to 36 mm, uzunligi 6 dan to 
24  metrgacha  bo‘lgan  sterjenli  armaturalarning  taranglash  kuchini  aniqlash  uchun 
ishlatiladi.    Buning  uchun  armatura  strjeni  uskunaning  ilgagi  bilan  ilib  olinadi  va 

---

 
uskuna  dastagi  3,5  va  8  marta  aylantirib  tepaga  tortiladi.  Taranglik  kuchi  indikator 
ko‘rsatkichi  va  etalon  grafik  yordamida  aniqlanadi.  PRDU  uskunasi  yordamida 
armaturaning tarangligini nazorat qilishdagi aniqlik ±3% ni tashkil etadi.  
 DIAR-1  armatura  dinamometri  (4.34–rasm)  simli,  arqonli  sterjenli  va  boshqa 
turdagi  armatulalarning  taranglik  darajasini  GOST  22362  bo‘yicha  tezkor  aniqlash 
uchun foydalaniladi.