Quloq tomoq

Burun-halqum fibromasi
Halqum yuqori poydevorining mushak pardasidan 
rivoj lanib, elastik tolalarga, qon tomirlarga boy bo‘lib, 
qattiq biriktiruvchi to‘qimadan tuzilgan. Bunday o‘sma 
ko‘proq o‘spirinlik chog‘ida uchraganligi uchun – o‘spi-
rin fib romiomasi ham deyiladi. Bu kasallikda burunning 
bir tomonlama bitib qolishi kuzatiladi. Keyinchalik bu-
rundan nafas olish umuman buziladi, tez-tez burun va 
og‘izdan qon ketib turadi. O‘simta tez ko‘zga, tanglayga, 
kalla ichi ga qarab o‘sadi. Bunday hollarda ko‘z soqqasi 
bo‘rtib chiqadi, burunda va yuzda o‘zgarishlar yuz beradi, 
kuchli bosh og‘rig‘i kuzatiladi.

---

140
Davosi  faqat jarrohlik yo‘li bilan olib boriladi. Bunda 
ko‘p qon yo‘qotilishi mumkin. Shuning uchun, qon yo‘qo-
tishning oldini olish chora-tadbirlarini ko‘rish zarur.
Xavfli o‘smalar
Xavfli o‘smalarga sarkoma, rak, melanoblastomalar, re-
tikulosarkoma, limfoepitelioma kabi o‘smalar kiradi.
O‘smalarning dastlabki bosqichida yot jism borligi hissi, 
yutinganda o‘g‘riq sezilishi mumkin. O‘smaning parcha-
lanishi, yutinganda bo‘ladigan kuchli og‘riq bemorning 
tinka-madorini quritadi.
Xavfli o‘smalar tez o‘sadi, regionar limfatik tugunlariga, 
ichkaridagi a’zolarga erta metastaz beradi, burundan qon 
ketishi, noxush hidli, yiringli ajralma kelishi kuzatiladi.
Xavfli o‘smalar ko‘pincha rak yoki sarkoma shaklida 
uchraydi.
Halqum o‘smalari g‘adir-budur bo‘lib, qizg‘ish rangli va 
qattiq konsistensiyaga ega bo‘ladi. Xavfli o‘smalar, asosan 
(52–86%) regionar bo‘yin limfatik tugunlariga metastaz 
beradi. Boshlang‘ich bosqichida ular aniq belgilarga ega 
bo‘lmasligi mumkin. Shu sababga ko‘ra ularni vaqtida 
aniqlash qiyin kechadi. Klinik manzara yuzaga chiqib, 
tashxis qo‘yilgandan keyin davo choralari yaxshi natija 
bermasligi mumkin.
Tashxis anamnestik ma’lumotlar, klinik manzara, 
endo skopik, rentgenotomografik (kompyuter tomografi-
ya), sito logik va gistologik tekshiruvlar natijalariga asosan 
qo‘yiladi. Halqumning xavfli o‘smalarida mujassamlashgan 
davolash usuli qo‘llaniladi. U o‘z ichiga jarrohlik aralashu-
vi, nurlash va kimyoterapiyani oladi.