Qozoqboy yoldoshev, valijon qodirov, jalolbek yoldoshbekov

Rozenkrans va Gildenstern kirishadi.
Hamlet: Mening qadrdon do‘stlarim! O‘zingmisan, Gildenstern? O‘zingmisan, Rozenkrans? Ahvollar nechuk?
Rozеnkrans: Ahvolimiz ko‘p qatori, ziyoda emas.
Gildеnstеrn: Baxtimizga, haddan ziyod emas baxtimiz,
Qismat qalpog‘ida zarrin jilg‘a emasmiz.
Hamlet: Ammo uning tovoni ham emassiz? Demak, siz uning
qandaydir beliga yaqinroq bir yerida shafqat-muruvvatlar maskanining xuddi o‘zagidasiz?
Gildеnstеrn: Topdingiz, shahzodam, biz o‘sha joyning mahram larimiz.
Hamlet: Qismat asrorxonasining mahrami-ya? Bajonidil
ishonaman. Qismat - ko‘pni ko‘rgan xotin. Xo‘sh, ne yangiliklar bor?
Rozеnkrans: Aytarlik hech nima, faqat dunyoda insof, vijdon degan matoh paydo bo‘libdi.
Hamlet: Demak, qiyomat yaqinlashibdi-da. Har qalay olgan ma’lu- motlaringiz noto‘g‘ri. Qani, bir boshdan tushinglar-chi: siz, azizlarim, ne gunoh qilib qo‘ydingizki, o‘sha qismat sizni bu zindonga ro‘para qildi?
Gildеnstеrn: Zindon, deysizmi, shahzodam?