Qozoqboy yoldoshev, valijon qodirov, jalolbek yoldoshbekov

Qirol: Buni qanday tekshiramiz?
Poloniy: Bu juda oson.
U soatlab tentiraydi bunda uzzukun,
Men ro‘para etgum unga qizimni, shu dam,
Biz ikkimiz kuzatamiz parda ortidan.
Qizimni u sevadi va shu sevgi bilan Jinni bo‘lib qolgan, yo‘qsa, a’yon emasman,
Bor-yo‘g‘i bir eshikbon malayman, xolos.
Qirol: Xayr, mayli, bir kuzatib ko‘raylik qani.
Malika: Ana, sho‘rlik o‘zi kelar, qo‘lida kitob.
Poloniy: Qani, keting! Ikkingiz ham keting, so‘rayman.
Bir gaplashib ko‘rmoqchiman hozir u bilan.
Qirol, Malika va xos mahramlar chiqishadi. Kitob o‘qigan ko‘yi Hamlet kiradi.
Ahvolingiz nechuk taqsirim, Hamlet?
Hamlet: Durust. Xudoga shukur.
Poloniy: Siz meni taniyapsizmi, milord.
Hamlet: Taniganda qandoq. Siz baliq sotasiz.
Poloniy: Yo‘g‘-ey, nimalar deyapsiz, milord.
Hamlet: Ha, qizingiz bor-a?
Poloniy: Bor, milord.
Hamlet: Quyoshga chiqara ko‘rmang. Homiladorlik - dunyo ne’- mati, ammo sizning qizingizga chiqarmagan uni. Tag‘in g‘aflatda qolib yurmang, oshnam.
Poloniy: (Chetga) Aytmadimmi? Qulay keldi deguncha, gapni qizimga buraveradi. Avval meni tanimadi. Baliqfurush dedi. Aynabdi, qattiq aynabdi. Sirasini aytganda, yosh- ligimda men ham ishq-muhabbatdan rosa ta’zirimni yeganman. Xuddi mana shunga o‘xshab. Yana bir unnab ko‘ray-chi. Bu yerda shamol esayapti, bir oz nari- ga o‘tsakmikin, milord?
Hamlet: Qayoqqa, go‘rgami?
Poloniy: Darvoqe, undan nariga o‘tib bo‘lmaydi. (Chetga) Ba’zi javoblarining zukkoligiga qarang! Ajabo, hozirjavoblik degani ko‘pincha tentaklar kaftiga shundoq qo‘nadi- qo‘yadi, aqli butunlarga esa, ha deganda, qorasini ko‘r- satavermaydi. Tezroq borib qizimni u bilan uchrashtirish chorasini ko‘ray. Muhtaram shahzodam, ketishimga ijozat bersalar.
Hamlet: Men jon deb sizga biror nima berardim-u, lekin hech
vaqoyim yo‘q, jonimdan o‘zga, jonimdan o‘zga, jonimdan o‘zga...