Qozoqboy yoldoshev, valijon qodirov, jalolbek yoldoshbekov

1.
Savol va topshiriqlar:
Shahzoda Abdulla va Abu Said Mirzolarning ko‘zlaridagi tarad- dud, harakatlaridagi toqatsizlik nimadan darak deb o‘ylaysiz? Ulug‘bekning Abdullatif bilan yuzma-yuz kelishga intilishi uning shaxsiyatining qay jihatini ko‘rsatadi?

3.
Mirzo Ulug‘bekning ruhiy holati tasvirini o‘qib, tahlil qiling.
Yuragi tug‘yonga kelgan hukmdorning Samarqand qal’asini ko‘rgach, birdan bo‘shashib qolgani sababini topishga urining.

• 
  * *
  

Bir paytlar uzoq Yassidan haqiqat izlab, Ulug‘bek tax- tiga bosh urib kelgan va undan ko‘p yaxshiliklar ko‘rgan iste’dodli shoir, arslonyurak jangchi Qalandar Qarnoqiy joni- ni xatarga qo‘yib, toj-u taxtidan ayrilgan hukmdorning qim- matbaho xazinasi bo‘lmish kitoblarni asrab qolishda Mirzo Ulug‘bekning shogirdi Ali Qushchiga yordam beradi...
Qattiq uxlab yotgan Ali Qushchi eshik ohista g‘ichirlab ochil- ganini sezib, uyg‘onib ketdi. Rasadxona zimiston bo‘lsa ham, Ali Qushchining o‘tkir ko‘zlari darrov ko‘rdi: poygakda devqomat bir kim- sa gavdasi bilan eshikni to‘sib, qaqqayib turardi.
Ali Qushchi beixtiyor yostig‘i ostidagi xanjarga qo‘l yugurtirdi.

• 
  Kim bu?
  

Eshikdagi kimsadan sas chiqmadi.

• 
  So‘zla. Kimsen, ey bandai gung?
  
• 
  Bu men, faqirmen...