Qozoqboy yoldoshev, valijon qodirov, jalolbek yoldoshbekov

Qumri: — Xo‘p, siz aytganday bo‘ldi deylik, keyin-chi?
Qo‘chqor: — Keyin... Keyin hech adashmay ishlayotgan joying- ga ovqat oborib berishadi. Undan-bundan yo'l so'rab o'tirmaydi. Eshmatvoy qaysi kartada ishlayapti, deb... O'qimaysan-da, Qumri, o'qimaysan. O'qishda gap ko'p. Men o'qiyman...
Qumri: — (Soxta jiddiylik bilan) Rost, hech qo'lingizdan ki­tob tushmaydi. Voy, siz bilan gap sotib o'tirishimni qarang. Shuncha kundan beri tuz totganingiz yo'q... Hozir bir narsa qivoraman. (Oshxonaga kirib ketadi.)
(Hovliqqancha Olimjon yugurib kiradi, rangi o‘chgan, hovlini gir aylanadi dovdirab kimnidir qidiradi.)
Olimjon: — Qo'chqor aka!.. Tamom, tamom!.. Hammasi tugadi!
Qo‘chqor: — Nima tugadi, Olimtoy?
Olimjon: — Sho'rim qurib qoldi, Qo'chqor aka, sho'rim qurib qoldi!..
Qo‘chqor: — Mundoq tushuntiribroq gapir, Olimtoy, unaqa ko'kragingga mushtlaganing bilan biz tushunavermaymiz, bir omi odam bo'lsak.
Olimjon: — (Qo‘chqorning yelkasiga bosh qo‘yib.) Qo'chqor aka, Alomatdan ajrab qoldik!..