Qosimova R. A. Boltayev Z. B

10. O’quv amaliyoti haqida hisobot 
 
O’quv  amaliyotlari  jarayonida  amalga  oshirilgan  barcha  turdagi 
faoliyatlar  kundalik  daftarida  (amaliyotchining  daftari  -  jurnal)  qayd 
etiladi.  Shular  asosida  eng  zarur  faoliyatlarni  jamlab  yozma  ravishda 
hisobot  tayyorlanadi.  Bu  talab  pedagogik  o’quv  amaliyoti  rahbari  va 
yo’riqchining ko’rsatmasi asosida turli shakllarda bo’lishi mumkin. 
 
Barcha  faoliyatlar  qisqacha  bayon  etilishi  asosida  quyidagicha 
raqamli (statistik) hisobotni ham rasmiylashtirishga to’g’ri keladi, ya’ni: 
1.  O’tkazilgan darslar soni (har bir sinf uchun alohida); 
2.  Dars tahlili soni (boshqa amaliyotchilar tomonidan o’tkaziladi); 
3.  Ertalabki (maktabgacha) gimnastikani o’tkazish soni; 
4.  Sport  turi  (nomini  ko’rsatish)  bo’yicha  mashg’ulotlarni 
o’tkazgan soni; 
5.  Jismoniy tarbiya va sport mavzusida o’tkazilgan suhbatlar soni; 
6.  Tanaffuslarda  o’tkazilgan  sog’lomlashtirish  o’yin-mashqlar 
soni; 
7.  Sport 
turlari 
(nomi 
ko’rsatilishi)  bo’yicha  o’tkazilgan 
musobaqalar soni; 
8.  Tuman  (shahar)  sport  musobaqalarida  jamoani  qatnashtirish 
soni; 
9.  Sinf o’quvchilaridan tayyorlangan jamoatchi faollar soni.  

---

 
213 
10.  O’tkazilgan sayr-sayohatlar soni. 
 
Ta’kidlash  zarurki,  bevosita  maxsus  topshirik,  taklif  yoki 
talabaning  ijodkorligi  hamda  tashabbusi  bilan  ma’ruza,  radiouzelda 
chiqib  jismoniy  tarbiya  va  sport  mavzusida,  ayniqsa  qizlarning  badiiy 
gimnastika,  o`g’il  bolalarning  kurash,  yengil  atletika  turlari  bilan 
shug’ullanishi  mavzusida targ’ibot ishlari olib borilgan bo’lsa, ularning 
soni va aniq nomlarini ham ko’rsatish kerak bo’ladi.  
 
Umumiy  xulosa  qilib  shuni  aytish  mumkinki,  boshlang’ich  ta’lim 
metodikasi  sohasidagi  bitiruvchilarning  pedagogik  o’quv  amaliyotiga 
tayyorgarlik  va  ularni  samarali  o’tkazish  jarayonlari  oliy  ta’lim 
muassasasidagi  o’ta  mas’uliyatli  ta’lim-tarbiya  jarayonlarini  ustuvor 
turlaridan  biridir.  Shu  sababdan  boshlang’ich  ta’lim  metodikasi 
tarkibidagi  “Jismoniy  tarbiya”  (I-II  bosqich)  hamda  “Jismoniy  tarbiya 
asoslari  va  metodikasi”  fanlarining  kasbiy  yo’nalishdagi  mazmunlarni 
(nazariy  va  amaliy  malakalar  )  chuqur  o’rgatish,  ularning  o’zaro  uzviy 
bog’liqlarini  ta’minlash  zarur.  B  jarayonlar  pedagogik  o’quv  amaliyoti 
hamda  kelajakda  o’quv  mehnatda  ham  mutaxassis  pedagoglar  uchun 
ehtiyojli faoliyat hisoblanadi.