Qosimov f. M. Qosimova m. M

To`rtburchaklar, ularning turlari va xossalari.
Ta`rif. To`rtta nuqta va bu nuqtalarni ketma-ket tutashtiruvchi to`rtta kesmadan iborat shakl to`rtburchak deyiladi.

Ta`rif. Qarama-qarshi tomonlari parallel bo`lgan to`rtburchak parallelogramm deyiladi.

ABCD - parallelogramm

Teorema. Agar to`rtburchakning diagonallari kesishsa va kesishish nuqtasida teng ikkiga bo`linsa, bu to`rtburchak parallelogramdir.

→ ABCD - parallelogramm

Teorema. Parallelogrammning diagonallari kesishadi va kesishish nuqtasida teng ikkiga bo`linadi.

Bu xossadan foydalanib parallelogrammning boshqa xossalari: qarama-qarshi burchaklari tengligi va qarama-qarshi tomonlari tengligi isbot qilinadi.

Ta`rif. Hamma burchaklari to`g`ri burchak bo`lgan to`rtburchaklar to`g`ri to`rtburchak deyiladi.

Teorema. To`g`ri to`rtburchakning diagonallari teng.

ABCD to`g`ri to`rtburchak ↔ AC = BD

Ta`rif. Hamma tomonlari teng bo`lgan parallelogram romb deyiladi.

Rombning diagonallari to`g`ri burchak ostida kesishadi.

Rombning diagonallari uning burchaklarining bissiktrisasidir.

Ta`rif. Hamma tomonlari teng bo`lgan to`g`ri to`rtburchak kvadrat deyiladi.

Kvadrat romb hamdir, shuning uchun ham rombning, ham to`g`ri to`rtbrchakning xossalariga ega.

Ta`rif. Ikkita qarama-qarshi tomonlarigina parallel bo`lgan to`rtburchak trapetsiya deyiladi.

Parallel tomonlari uning asoslari, parallel bo`lmagan tomonlari uning yon tomonlari deyiladi. Yon tomonlari teng bo`lgan trapetsiya teng yonli trapetsiya deyiladi. Yon tomonlarining o`rtalarini tutashtiruvchi kesma trapetsiyaning o`rta chizig`i deyiladi.

EF || AB, EF|| DC,

Stereometriya

Stereometriya aksiomalari. Stereometriya geometriyaning fazoviy shakllarini o`rganadigan qismi bo`lib, uning o`ziga xos aksiomalari mavjud. Bu aksiomalar quyidagilardan iborat:

1. Tekislik qanday bo`lmasin, shu tekislikka tegishli nuqtalar va unga tegishli bo`lmagan nuqtalar mavjud .

2. Agar ikkita turli tekislik umumiy nuqtaga ega bo`lsa, ular to`g`ri chiziq bo`yicha kesishadi.

3.Agar ikkita turli to`g`ri chiziq umumiy nuqtaga ega bo`lsa, ular orqali bitta va faqat bitta tekislik o`tkazish mumkin.

Bu aksiomalardan va planimetriyaning ayrim aksiomalarini mulohaza qilgan holda quyidagi natijalar keltirilib chiqariladi:

1-teorema.To`g`ri chiziq va unda yotmaydigan nuqta orqali bitta va faqat bitta tekislik o`tkazish mumkin.

2-teorema. To`g`ri chiziqning ikkita nuqtasi tekislikka tegishli bo`lsa, u holda to`g`ri chiziqning o`zi ham tekislikka tegishli bo`ladi.

3-teorema. Tekislik bilan unda yotmaydigan to`g`ri chiziq yo kesishmaydi, yoki bitta nuqtada kesishadi.

4-teorema.Bitta to`g`ri chiziqda yotmaydigan uchta nuqtadan bitta va faqat bitta tekislik o`tkazish mumkin .