Qoraqalpoq davlat universiteti

T A Q R I Z
Vatanimiz mustaqilligining natijasida inson psixologiyasi o‘zgarmoqda.Shunday sharoitda tadqiqotchi jamiyatning yetakchi kuchi bo‘lgan ziyolilar, ya’ni o‘qituvchilar psixologiyasini o‘rganishni dolzarb muammo qilib olgan.
Bitiruv malakaviy ish: kirish, 2 bob, 5 §, xotima, xulosa, tavsiya, adabiyotlar ro‘yxati, ilova, 4 ta jadval, 1 ta diagrammadan iborat. Tadqiqotchi M.Akramova ishning dolzarbliligini, ilmiy yangiligini va ilmiy farazini yetarlicha asoslab bergan.
Ishning birinchi bobida muammoning nazariy qismi yoritilgan bo‘lib, unda sharq va g‘arb psixolog olimlarining psixologik qarashlari tahlil qilingan.
Ikkinchi bobida o‘qituvchi shaxsining «Vatan mustaqilligiga», «Vatanga», «Mehnatga», «O‘ziga» va «O‘zgalarga» bo‘lgan munosabatlari - eksperiment asosida psixologik tadqiq qilib ilmiy jihatdan yoritib berishga harakat qilgan.
Tadqiqotda izlanuvchining ushbu qator omillar orqali ziyolilar ongiga murojaat qilib, ularning ichki dunyosini o‘rganganligi ishning ilmiy salohiyatini belgilaydi. Bitiruv malakaviy ish muallifi mamlakat prezidenti I.A.Karimov olib borayotgan siyosat ziyolilar psixologiyasida qanday aks etayotganini va bu siyosat qay darajada halqchil siyosat ekanligini real dalillar bilan ilmiy asosda bayon qilgan.
Talaba ishda o‘qituvchilarning asosiy qismi eski mafkuraviy qobiqdan xolis bo‘lib, o‘zini asl qiyofasini topayotganini, ular ko‘proq o‘z kuch-qudratiga tayanib boshlayotganini hamda ularda Vatanparvarlik hissi ustivor qilinayotganini psixologik tahlil qilgan.
Ishda aytib o‘tilgan yutuqlardan tashqari ayrim kamchiliklar ham mavjud bo‘lib, ulardan BMI matnining ikkinchi qismida jumlalarning g‘alizligi, adabiyotlar ro‘yxatining tartibsiz yozilganligi, tavsiyalar alohida-alohida berilmaganligidir.
M.Akramova ushbu BMI talablarga to‘la javob beradi. shuning uchun bu ishni himoya qilish uchun DAK tavsiya qilaman.
1-mashq.– Quyidagi kichik ikkita matnlar bilan tanishib chiqing va ularga taqriz yozing.