Qo’l to’pi o’yini musobaqalarini tashkil qilish va o’tkazish

Final "sirena"si

O‘yin hakam xushtagi bilan, to‘p uzatish orqali boshlanadi. (Markazda o‘yinni boshlamoqchi bo‘lgan o‘yinchi to‘pni erga urib olib yurishi va boshqa harakatlarni qilishi mumkin emas, u faqat to‘pni sherigiga uzatishi lozim).

O‘yin yakuni esa final sirenasi orqali yoki vaqt belgilovchi hakam xushtagi bilan yakunlanadi. Agar signal beruvchi uskunalar yo‘q bo‘lsa, u holda hakamlar o‘yin vaqti tugaganligi to‘g‘risida xushtak beradi.

Final sirenasidan oldin va o‘sha vaqtda o‘yin qoidasi buzilsa yoki sportchiga xos bo‘lmagan harakat qayd etilsa, u holda final sirenasi berilganligiga qaramay, o‘yinchilar hakamlar tomonidan jazolanadi. Belgilangan (erkin to‘p tashlash yoki 7 m jarima) jazo natijalaridan so‘ng o‘yin vaqti tugatiladi.

Erkin to‘p tashlash yoki 7 metrli jarima to‘pni bajarish vaqtida, taym yoki o‘yin yakunida sirena berilsa, u xolda to‘p otishlar qaytarilishi shart. Faqat kaytarilgan harakat natijasidan so‘ng hakamlar o‘yinni yakunlaydi.

Taym-aut

Hapbir jamoa o‘yinning asosiy vaqtining har bir taymida bir daqiqali jamoaviy taym-aut olishga xaqlidir. O‘yin davomida murabbiy tomonidan sekundometris oldiga yashil kartochka qo‘yilsa 1-daqiqalik tanaffus beriladi. Hakam ikki qisqa hushtak chalish orqali taym-aut tamom bo‘lganini bildiradi. Taym-autdan so‘ng har doim hakam hushtagidan so‘ng o‘yin davom etadi.