Qo’l to’pi o’yini musobaqalarini tashkil qilish va o’tkazish

MAYDONDA JOYLASHISH (pozitsiya).

Darvozabon (D) – Darvozabonning asosiy maqsadi darvozani goldan himoya qilish. Ular 6 metr maydon ichida harakatlanadigan yagona o‘yinchidir. Bundan tashqari darvozabonga 6 metr maydon ichida tanasining xoxlagan qismi bilan to‘pga teginish ruxsat etiladi.

O‘ng qanot (O‘Q) va chap qanot (CHQ) o‘yinchisi – bu o‘yinchilar darvozaga ancha tor burchak ostidan to‘pni yo‘llagan holda jamoasi hujumini shakklantirishda ishtirok qilishadi.

O‘ng orqa chiziq (O‘OCH) va chap orqa chiziq (CHOCH) o‘yinchisi – odatda bu o‘yinchilar jamoaning merganlari bo‘lib, 9 metrli yarim aylananing ikki tomonida xarakatlanishadi. Maydonning o‘ng tomonida chapaqay va chap tomonida o‘ngaqay o‘yinchi o‘ynashi maqsadga muvofiqdir.

Markaziy orqa chiziq (MOCH) – bu hujum va himoyada birday o‘yinni boshqaradigan o‘yinchi. Ular o‘yinda gol urish uchun ko‘plab imkoniyatlarni yaratishlari shart va zarur. Ba’zan bu o‘ynchilarni pleymeyker ham deb atashadi.

CHiziq o‘yinchisi (CH) - O‘z jamoasi hujumi vaqtida darvozabon maydoni oldida sheriklariga oson gol urish uchun bo‘sh joy ochishga xarakat qiladi. U raqib jamoasi o‘yinchilariga to‘siq (zaslon) qo‘ygan holda o‘z jamoasi o‘yinchilariga imkoniyat yaratadi.

O‘yinchi almashtirish – gandbolda o‘yinchi almashtirish cheklanmagan va xoxlagan vaziyatda vaqtni to‘xtatmasdan amalga oshiriladi. Zahiradagi o‘yinchilar o‘yin davomida xohlaganicha o‘yinga chiqishi mumkin, faqat maydondagi o‘yinchi maydondan chiqqanidan so‘ng.

Har bir o‘yinchini maydonda joylashishini ko‘rish uchun 4 va 5 rasmlarga qarang.