Qo’l to’pi o’yini musobaqalarini tashkil qilish va o’tkazish

1-rasm o‘yin maydoni.



Darvoza (2-rasm) yuza chiziq, o‘rtasiga o‘rnatiladi. Darvoza polga yoki orqadagi devorga mahkam o‘rnatilishi lozim. Darvozaning ichki tarafidagi o‘lchami balandligi 2 metrni va eniga 3 metrni tashkil qiladi.
2-rasm.

6 metrli darvozabon maydonida faqat darvozabon bo‘lishi mumkin. Maydon o‘yinchisi gavdaning har qanday qismi bilan darvoza maydonini belgilovchi chiziqdan o‘tsa, u holda o‘yinchi darvoza maydoniga kirgan deb hisoblanadi.

9 metrli chiziq (yoki erkin to‘p tashlash chizig‘i) darvoza maydonidan 3 metr masofada uzuk-uzuk chizilgan bo‘ladi.

7 metrli chiziq, (jarima chizig‘i) darvoza maydonchasi chizig‘idan parallel o‘tkazilgan 1 metrli chiziqdan iborat bo‘ladi

Darvozabon harakatini cheklovchi chiziq (4 metrli chiziq) darvoza o‘rtasidan 4 metr masofada, darvoza maydonchasi chizig‘idan parallel o‘tkazilgan 15 sm chiziqdan iborat bo‘ladi. Bu chizikdan maqsad, 7 metrli jarima to‘pi amalga oshirish paytida darvozabon shu chiziqqacha oldinga chiqib turishi mumkin.

Markaziy chiziq maydonni o‘rtasidan teng ikkiga ajratib turadi. Birinchi bo‘limdan keyin jamoalar o‘z o‘rnini almashtiradi.

O‘yinchilarni almashtirish zonasining chizig‘i - yon chiziqqa maydon o‘rtasidagi chiziqning ulangan nuqtasida har bir maydon bo‘lagi tomonga 4,5 metrli masofada markazi chizig‘iga parallel yon chiziqdan 15 sm chiziq belgilanadi.

Darvozaga to‘p kiritilsa gol hisoblanadi, agar to‘p o‘z aylanasi bilan darvoza ustunlari o‘rtasidagi chiziq qalinligidan to‘la o‘tsa (3-rasmga qarang), faqat darvozaga to‘p otayotgan o‘yinchi yoki jamoaning boshqa vakili tomonidan qoida buzilishiga yo‘l qo‘yilmasa, maydon chizig‘ini nazorat qiluvchi qakam ikki qisqa xushtak va №12 jest ko‘rsatib, gol bo‘lganini ko‘rsatadi.

3-rasm