Qarshi davlat universiteti iqtisodiyot kafedrasi davlat boshqaruvida inson resurslari

Davlat sektorida kadrlar zahirasi bilan ishlash tamoyillari. Davlat boshqaruviga yoʻnaltirilgan tashkilotlarda kadrlar zahirasi bilan ishlash ma’lum tamoyillarga asoslanadi. Zahira menejerlari bilan ishlashning umumiy tamoyillari quyidagilarni oʻz ichiga oladi:

1. 
   Menejerlar tarkibining sifatini doimiy ravishda yaxshilash muammosini hal qilish uchun davlat sektorida nomzodlarni va ularning ma’naviy, psixologik va ishbilarmonlik fazilatlari boʻyicha zahira tarkibini tanlash lozim.
   
2. 
   Davlat sektorida ishlashga nomzodlarning yoshi va ta’lim darajalariga muvofiqligi. Oliy maktab negizida professional rahbarni tayyorlash 4-6 yilni tashkil etishini va insonning ijodiy faoliyatining choʻqqisi 35-40 yoshni tashkil etishini hisobga olsak, davlat sektorida oʻrta darajadagi menejer lavozimiga tayinlanish uchun nomzodlarning yoshi 25-30 yoshdan oshmasligi kerak.
   
3. 
   Davlat sektorida har bir yuqori lavozim uchun ikki yoki uch nafar nomzod boʻlishi kerakligi hisobga olinsa, zahira tarkibini oqilona aniqlash lozim.
   

Davlat sektorida nomzodlar zahirasi bilan ishlashni tashkil etishda keng oshkoralik asosida rahbarlar zahirasiga nomzodlarni muntazam va tizimli ravishda shu tashkilot xodimlari orasidan izlash lozim.
Davlat sektorida nomzodni zahiraga qabul qilish toʻgʻrisida qaror qabul qilishda quyidagilar hisobga olinadi:

• 
  xodimga ishonib topshirilgan ish (lavozim, vazifa) sohasidagi ishlab chiqarish faoliyati natijalari;
  
• 
  soʻnggi hisobot natijalari, muvofiqlashtirish kengashi xulosalari. Bundan tashqari xodimning bevosita rahbarlari, hamkasblari va xizmatchilarini chaqirish;
  
• 
  rahbarlikka nomzodlar boʻyicha jamoatchilik fikrini oʻrganish natijalari;
  
• 
  shaxsiy hujjatlar, psixologik testlar va xodimning shaxsiy fazilatlarini tavsiflovchi boshqa materiallarni oʻrganish natijalari ham xodimni zahira kadrlar safiga kiritishga asos boʻlishi mumkin.