Qarshi davlat universiteti iqtisodiyot kafedrasi davlat boshqaruvida inson resurslari

2. Oʻqituvchi muammoni aniqlaydi va uni muhokama qilishga tinglovchilarni taklif qiladi. Munozara quyidagi koʻrinishda olib borilishi mumkin:
1) davlat dasturiga ehtiyojning asosiy sababini aniqlash;
2) tegishli muammolarni hal qilishda ishlatilishi mumkin boʻlgan muqobil dasturlarni aniqlash, xususan, ularning mumkin boʻlgan oqibatlarini belgilaydigan dasturlarning xususiyatlarini, shuningdek mavjud resurslarga mosligini qayd etish;
3) taklif etilayotgan dasturning samaradorlik va resurslarni taqsimlashga ta’sirini aniqlash;
4) adolatlilik va samaradorlik masalalari oʻrtasidagi tanlov;
5) dasturning davlat siyosati maqsadlariga qay darajada erishishini aniqlash;
6) ijtimoiy-iqtisodiy jarayon davlat dasturini yaratish va amalga oshirishga qanday ta’sir qilishini aniqlash.
3. Ishbilarmonlik oʻyinlari, boshqaruv vaziyatlarini modellashtirish va boshqa faol ta’lim shakllari natijalarini muhokama qilish. Oʻyin natijalari toʻgʻrisida ijobiy va salbiy fikrlarga oydinlik kiritiladi. Tinglovchilardan quyidagi savollarga javob berishlari soʻraladi: ular oʻzlari uchun qanday yangi narsalarni oʻrgandilar? Ishbilarmonlik oʻyini yoki "aqliy hujum" ularga menejment faoliyatining oʻziga xos qanday usullarini taklif qilgan? Muhokamada tinglovchilar masalaning mohiyatini qay darajada tushunganliklari, boshqaruv usullarini qanday oʻrganib, misollarda qanday ishlab chiqqanliklari koʻrsatilishi kerak. Agar boshqaruv qarorlarini qabul qilish sohasida tahlilchi harakatlarining mantiqiyligi va ketma-ketligi yaxshi oʻzlashtirilgan boʻlsa, ya’ni muammoni aniq va toʻgʻri belgilash; muammoning yechimlarini baholash mezonlarini tushu-nish; turli xil alternativ boshqaruv qarorlarining xarajatlari, daromadlari va ta’sirini aniqlash; boshqaruv ta’sirining maqsadlari orasida ustuvor yoʻnalishlarni shakllantirish; belgilangan maqsadga erishishda eng katta ta’sirni keltirib chiqaradigan (resurslarni hisobga olgan holda) aniq texnologiyalardan foydalanish boʻyicha tavsiyalar tayyorlash masalalari ijobiy hal etilgan boʻlsa, oʻtkazilgan mashgʻulotlarga qoʻyilgan talablar samarali amalga oshirilgan.