Qarshi davlat universiteti iqtisodiyot kafedrasi davlat boshqaruvida inson resurslari

4.1. Suhbatni oʻtkazishning asosiy qoidalari Istalgan xodimning "mukammal portretini" yaratish
Bugungi kunda koʻpgina mamlakatlarda davlat xizmatiga kirish uchun odatda, qariyb bir xil talablar qoʻyiladi. Ya’ni bunga koʻra shaxs tegishli mamlakatning fuqarosi boʻlishi, oʻn sakkiz yoshga toʻlgan boʻlishi, davlat tilini yaxshi bilishi, tegishli kasb ma’lumotiga ega boʻlishi va davlat xizmati toʻgʻrisidagi qonunchilikda belgilangan boshqa talablarga javob beradigan boʻlishi shart.
Shaxslarning davlat xizmatiga qabul qilinishida konstitusiyaviy prinsipga amal qilinadi, ya’ni, barcha fuqarolar uchun, ularning qobiliyati va kasbiy tayyorgarligiga muvofiq, davlat xizmatiga kirish uchun teng imkoniyatlar yaratib beriladi. Oʻzbekiston Respublikasi Mehnat Kodeksining 6-moddasiga muvofiq barcha fuqarolar mehnat huquqlariga ega boʻlish va ulardan foydalanishda teng imkoniyatlarga egadirlar, deb mustahkamlangan.
Davlat xizmatiga kadrlarni tanlash jarayoni taqdim etilayotgan malakaviy talablar, mezonlar va huquqiy me’yorlarga muvofiq amalga oshiriladi. Davlat xizmatiga qabul qilish jarayonida har qanday kamsitilishlarga yoʻl qoʻyilmaydi.
Davlat xizmati ikki turga ajratildi:

• 
  fuqarolik xizmati – Davlat fuqarolik xizmati lavozimlarining davlat reyestriga kiritilgan lavozimlarda faoliyat yuritish hisoblanadi, ushbu lavozimlarda mamlakat fuqarolari ishlashlari mumkin, xorijiy davlatlarning fuqarolari va fuqaroligi boʻlmagan shaxslar esa Prezidentning alohida qarorlari bilan oʻrnatilgan tartibda davlat fuqarolik xizmatchisi lavozimini egallashi mumkin;
  
• 
  maxsus xizmat – Qurolli Kuchlardagi harbiy xizmat va huquqni muhofaza qiluvchi organlardagi xizmat davlatning maxsus xizmati hisoblanadi va alohida qonun hujjatlari bilan tartibga solinadi. 
  

Davlat fuqarolik xizmatidagi islohotlar meritokratiya tamoyillari (eng munosib va qobiliyatli shaxslarni qabul qilish hamda xizmat pogʻonalari boʻyicha koʻtarish), «karyera modeli», mehnatga haq toʻlashning yagona tizimi, ijtimoiy kafolatlar, kadrlarni ragʻbatlantirish va qoʻllab-quvvatlash tizimi tamoyillariga asoslanadi. Asosiysi – quyidagi sanalardan boshlab davlat xizmatchilari mustaqil ochiq tanlov asosida ishga qabul qilinadi: