Qarshi davlat universiteti ingliz filologiyasi fakultetlararo ingliz tili

Model: Subject + verb + comparative adjectives + than + Subject + verb
Jack is younger than I thought. – Jek men o’ylaganimdan ko’ra yoshroq ekan.
This coat is more expensive than I expected. – Bu palto men kutganimdan ko’ra qimmatroq ekan.
4. Qiyosiy darajada sifatlarning belgisini oshirib, kuchaytirib ko’rsatish uchun qiyosiy darajadagi sifatlar oldidan much, a lot, far, even, quite a lot, considerably, a good deal kabi ravishlar qo’llaniladi. Umuman olganda bu so’zlar qiyosiy darajaning signal so’zlari bo’lib, ulardan so’ng har doim sifatlarning qiyosiy darajasi ishlatiladi.
Model: … much, a lot, far, considerably, a good deal, even, quite a lot + comparative adjectives …
She is much happier today than she was yesterday. – U bugun kechagiga qaraganda ancha xursand.
This area has become considerably more crowded and far noisier in the last ten years. – O’tgan 10 yil ichida bu hudud ancha gavjumroq va shovqin-so’ronliroq bo’lib qoldi.
5. Qiyosiy darajada sifatlarning belgisini kamaytirib ko’rsatish uchun qiyosiy darajadagi sifatlar oldidan a little, a bit, a little bit, quite a bit, slightly kabi ravishlar ishlatiladi. Umuman olganda bu so’zlar qiyosiy darajaning signal so’zlari bo’lib, ulardan so’ng har doim sifatlarning qiyosiy darajasi ishlatiladi.
Model: … a little, a bit, a little bit, quite a bit, slightly + comparative adjectives …
Let’s go to the park by bus. It is quite a bit cheaper than the taxi. – Parkka avtobusda bora qolaylik. U taksiga qaraganda biroz arzonroq.
NOTE: Bundan tashqari just, no, any, hardly, somewhat kabi so’zlardan keyin qiyosiy darajadagi sifatlar ishlatilishi ham mumkin. Esingizda bo’lsin bu so’zlardan so’ng sifatlarning oddiy darajasi ishlatilishi ham mumkin.
If your headache gets any worse, you should see a doctor. – Agar boshog’rig’ing kuchaysa, doktorga borgin.
The army couldn’t advance any further. – Armiyamiz boshqa uzoqroqqa siljiy olmadi.
6. Qiyosiy darajadagi sifatlar and bog’lovchisi bilan takroriy ishlatilsa sifatlarning belgisi kuchaytirib, oshirib ko’rsatiladi. Bu holatda ish-harakat yoki vaziyatning to’xtovsiz ravishda o’zgarib borayotganligi ifodalanadi. Xuddi shu qoidada ko’p bo’g’inli sifatlar kelsa ularning oldidan kelgan more ikki marta takrorlanadi, ko’p bo’g’inli sifatning o’zi takrorlanmaydi. Bu qoidada sifatlar asosan get, become, grow, turn kabi o’zgarishni ifodalovchi fe’llardan keyin ishlatiladi.