Pythonni mustaqil

Ko‘rsatmalar: nomlash bo‘yicha kelishuv
Qo‘llash kerak bo‘lmagan nomlar
Hech qachon quyidagi: l (kichik lotin “el” harfi), O (bosh lotin “o” harfi) yoki I (Bosh lotin “i” harfi) lardan bir harfli nomlar sifatida foydalanmang.

Ba’zi shriftlarda bu harflar nol va bir raqamlaridan farq qilmaydi. Agar juda ham l (el) harfi zarur bo‘lib qolsa, uning o‘rniga katta harfini ishlating.

Modullar va paketlarning nomlari
Modullar kichik harflardan iborat qisqa nomga ega bo‘lishi kerak. Agar o‘qish va tushunishni oson-lashtirsa, tagchiziqlardan ham foydalanish mumkin. Xuddi shu tavsiyalar paketlarga ham taalluqli bo‘lib, faqat paketlarning nomlarida tagchiziq ishlatilmaydi.
Modullarning nomlari fayl nomi ko‘rinishida tasvirlanishi, ba’zi tizimlar nomlarning registrlariga ta’sirchan emasligi, ba’zi tizimlar esa uzun nomlarni qirqib tashlashini inobatga oladigan bo‘lsak, modullarning ancha qisqa nomlaridan foydalanish maqsadga muvofiq bo‘ladi. Bunday muammo Unix tizimlarda uchramasa-da, eski Windows, Mac yoki DOS tizimlari uchun katta maummoga aylanishi mumkin.C yoki C++ tilida yozilgan modul Python uchun yozilgan yo‘ldosh moduliga ega bo‘lsa, u holda C/C++ moduli tagchiziqdan boshlanadi, masalan, _socket kabi.