Pythonni mustaqil

Izoh (kommentariy)lar
Kodga qarama-qarshi izohlar ularning yo‘qligidan ham yomon. Agar kodga o‘zgartirish kiritsangiz, har doim, albatta, izohlarni ham ularga moslab o‘zgartiring!
Izohlar yakunlangan gaplardan iborat bo‘lishi lozim. Agar izoh birorta ibora yoki gapdan iborat bo‘lsa, bu so‘z dasturda qo‘llanilgan o‘zgaruvchining nomi bo‘lmagan hollarda birinchi harfi bosh harfdan boshlanishi kerak (hech qachon o‘zgaruvchi nomining registrini o‘zgartirib yozmang!).
Agar izoh qisqa ko‘rinishda bo‘lsa, uning oxirida nuqta qo‘yish shart emas. Izohlar bloki, odatda, bir yoki bir nechta to‘laqonli gaplardan iborat abzaslardan tashkil topadi. Shuning uchun har bir gap nuqta bilan yakunlasnishi shart.
Gap tugaganida qo‘yiladigan nuqtadan keyin ikkita bo‘sh joy qoldiring.
Ingliz tilida gaplashmaydigan dasturchilar, iltimos, dasturingizni sizning tilingizni bilmaydigan odamlar o‘qimasligiga 120 % ishonchingiz komil bo‘lmasa, izohlaringizni ingliz tilida yozing.
Izohlar bloki
Izohlar bloki, odatda, izohdan keyin joylashgan butun kod yoki uning bir qismini tushuntirish uchun qo‘llaniladi hamda shu kodning o‘zi bilan bir xil siljishga ega bo‘lishi kerak. Bunday blokning har bir satri # belgisi hamda bitta bo‘sh joydan keyin boshlanishi kerak (agar izoh matnining o‘zi siljishga ega bo‘lmasa).
Izohlar blokining ichida abzaslar bitta # belgisidan iborat satr bilan ajratiladi.
“Satrdagi” izohlari
Bunday izohlardan imkon qadar kamroq foydalanishga harakat qiling.
Bunday izoh ko‘rsatma bilan bir qatorda joylashgan bo‘ladi. "Satrdagi" izohlar shu satrdagi ko‘rsatmadan kamida 2 ta bo‘sh joy bilan ajratilishi kerak. Ular # belgisi hamda bitta bo‘sh joydan keyin boshlanishi lozim.

82

Kod yozilgan qatordagi izohlardan foydalanish kerak emas, ular shundoq ham aniq holatni izohlayotgan bo‘lsa, faqat chalg‘itadi. Mana bunday ko‘rinishda izoh yozmang:

x = x + 1 # x ni birga ko'paytiramiz