Психология юнон тилидан таржима қилинганда – таълимот, жон билим тўғрисида (“psyche” – жон, руҳ ва “logos” – таълимот, илм) деган маънони англатади

Шахс камолотида жисмоний тарбия ва спортнинг ўрни:
1. Инсоннинг ўзи предмет фаолияти сифатида, яъни субъект эмас, балки, объект сифатида ҳам, қатнашади. Демак, факат бошқа кишилар (жисмоний тарбия ўкитувчиси, тренер, ҳакам ва спорт рақиби сифатида) эмас, ўзи учун ҳам, тадқиқот объекти ҳисобланади.
2. Жисмоний тарбия ва спорт фаолиятининг мақсади – тарбия масаласи билан шуғулланиш ёшларга, спортчиларга жисмоний ва маънавий тарбия бериш.
3. Жисмоний тарбия ва спорт инсондан жисмоний ва психологик кучланишни талаб қиладиган фаолият соҳасидир.
4. Спорт фаолиятининг ҳамма соҳасини мусобақа ташқил этади.
5. Жисмоний тарбия фаолиятининг натижасини соғломлаштириш, таълим-тарбия турлари ташқил этади. Кишиларни ҳар томонлама ривожланган етук мутахассис бўлиб етишишга ёрдам беради.
6. Жисмоний тарбия психологияси спорт назарияси ва амалиёт билан биргаликда иш юритади. Жисмоний тарбия психологияси назарий билим беришга билан бирга, амалий ва ҳарбий билимлар беришга ҳам йўналтирилган.
Спорт психологиясини кенг оммалаштириш спортчиларни психологик ва жисмоний жиҳатдан ўз-ўзини англаш, ўз устида ишлаш билан бирга машғулотларда, мусобақаларда психологик жиҳатдан тайёрланиш механизимини ишлаб чиқиш билан кифоялаш мумкин. Биз шахсни ҳар томонлама тарбиялашда спортнинг аҳамиятини кўрсатмоқчи эканмиз, аввало шахснинг ўзи нима, унинг психологик хислатлари тўғрисида умумий тушунча бериб ўтишимиз лозим.
“Шахс” психологиянинг асосий ўрганувчи объекти саналади. “Homo sapiens” – “ақлли зот” тушунчасини ўзида ифода этувчи жонзотнинг пайдо бўлганига тахминан 40 минг йилдан ошган бўлиб, мутахассислар бу давр ичида 16 минг авлод алмашганлигини эътироф этишади. Ч. Дарвин таъбири билан айтганда, табиий танланиш жараёнида ер юзида сақланиб қолган минглаб миллат ва элатларнинг кейинги даврдаги тараққиёти кўпроқ биологик омиллардан кўра, ижтимоий омиллар таъсирида рўй бермоқда Инсон дунёга индивид сифатида келади.
Индивид деганда биз одамнинг инсонлик жинсига мансублигини тушунамиз.
Индивидга янги туғилган чақалоқ ҳам, катта ёшдагилар ҳам, тил ва оддий малакаларни егаллай олмайдиган телбалар ҳам киради.
Лекин улардан ижтимоий муносабатларга қатнашувчи, жамиятда ижтимоий тараққиётда фаол иштирок этувчи одамгина шахс деб аталади.
Шахснинг уч асосий белгиси бор